KXDR - Saudiya Arabistoni. Prevyu

Ilk turda KXDR O'zbekistonga qarshi o'ynab 0:1 hisobida mag'lub bo'lgandi. Saudiya Arabistoni ham musobaqani mag'lubiyat bilan boshlagandi. Arablar dastlabki turda Xitoyga yutqazib qo'yishgandi _ 0:1.

KXDR to'rtinchi marta qita chempionati final bosqichida qatnashmoqda. Bu jamoaning eng yaxshi natijasi 1980 yilda qayd etilgan. O'sha yil jamoa to'rtinchi o'rinni olgandi. Saudiya Arabistoni uchun bu yilgi musobaqa 9-Osiyo Kubogi. Ushbu jamoa o'z tarixida uch bor Osiyoda tengsiz bo'lgan (1984, 1988, 1996 yillarda)

Bu ikki jamoa barcha musobaqalarda o'zaro 9 marta to'qnash kelgan. KXDR bir marta g'alabaga erishgan, to'rt marta durang qayd etilgan bo'lsa Saudiya Arabistoni hisobida 4 g'alaba mavjud. To'plar nisbatida ham arablar ustun - 8:5.

Ushbu jamoalar hozirga qadar Osiyo Kubogida umuman to'qnash kelishmagan.

Dastlabki turda KXDR safida Ri Yong Jik, Saudiya Arabistoni tarkibida Said Al Muvallad, Mustafo Al Bassas, Salman Al Faraj sariq kartochka olishdi. Ushbu futbolchilar ikkinchi turda ogohlantirilsa uchinchi turni o'tkazib yuborishadi.

KXDR - Saudiya Arabistoni
14 yanvar 2015. Melburn
Bosh hakam: Abdulloh Al Hiloli (Ummon)
Qanot hakamlari: Hamid Al Mayahi (Ummon), Abu Bakr Al Amri (Ummon)
To'rtinchi hakam: Ammal Ali Abdulla Juma (BAA)
Beshinchi hakam: Yagi Akane (Yaponiya)
Nazoratchi: CHia Eng Vah Jon (Singapur)


Narzulla Saydullaev