Kurtua "The Best" haqida: "Xoland Messi va Mbappedan ko'ra sovringa munosibroq"

"Real Madrid" klubi darvozaboni Tibo Kurtua o'zining "The Best" sovrini haqidagi fikri bilan o'rtoqlashdi.

Malumot uchun, FIFA tomonidan beriladigan ushbu sovringa Erling Xoland, Kilian Mbappe va Lionel Messining nomzodi qo'yilgan.

"Bu kabi o'yinchilarga qarshi o'ynash har doim ajoyib bo'lgan. Misol uchun, ECHLda Xolandning zarbalarini qaytarishni uddalaganman, hamma gollarni jamoadoshlari urgandi. 

Mbappe va Messi – fantastik o'yinchilar, ammo shaxsiy fikrimcha, Xoland bu sovringa ulardan ko'ra munosibroq. Erling o'z jamoasi bilan hamma sovrinni yutdi.

SHu sabab ham, Erling ushbu mukofotga loyiq. Albatta, Messi va Mbappe ham juda ko'p gol urishdi. Ko'ramiz", -deydi Tibo Kurtua.