"Kuchli-beshlik"da tur boshlanmoqda: Eng zo'r qarama-qarshilik Germaniyada va boshqa o'yinlar
05 okt 2018 15:13
Yangiliklar
"Kuchli-beshlik"da tur boshlanmoqda: Eng zo'r qarama-qarshilik Germaniyada va boshqa o'yinlar
Angliya premer ligasi, A Seriya, La Liga, Bundesliga va Franciya Ligasida turning dastlabki o'yinlari bo'lib o'tadi.
Dastlab Germaniya Bundesligasining 7-turini ochib beradigan "Verder" - "Volfsburg" to'qnashuvi haqida to'xtalib o'tamiz.
Mazkur jamoalar o'rtasidagi qarama-qarshilik doimo Germaniya futboli ihlosmandlari uchun katta qiziqish uyg'otib kelgan. Sababi, bu to'qnashuvda muxlislarbop, gollarga boy tarzda kechadi. Ayni paytda turnir jadvalining yuqori qismidan joy olgan va evrokuboklar uchun yo'llanma beruvchi o'rinlarda borayotgan jamoalarning o'zaro bahsi shiddatli o'tishiga shubha yo'q.
"Verder" va "Volfsburg" jamoalari ishtirokidagi joriy mavsumdagi o'yinlarda jami 19tadan gol kiritilgani ham fikrimiz isboti.
Florian Koxfeldt hamda Bruno Labbadia qarama-qarshiligida qaysi mutaxassisning taktik rejalari ish berishini bugun tunda bilib olamiz.
"Verder" 11 ochko to'plagan holda turnir jadvalida 5-o'rinni egallab turibdi. "Volfsburg" esa 9 ochko jamg'arib 7-pog'onanin band etmoqda. "Bo'rilar"da bremenliklarni turnir jadvalida quvib o'tish imkoniyati mavjud. "Verder" esa "kuchli-uchlik"ka kirish uchun mazkur turda g'alaba nashidasini surmog'i lozim.
Werder Bremen Davy Klaassen - 35', Johannes Eggestein - 86' |
1. Bundesliga . 7-tur 05/10/2018, 23:30 0
:
2
Tugadi
|
Wolfsburg |
Stadion: Weser-Stadion, 41000 tomoshabin
Bosh hakam: Martin Petersen
A Seriyada 8-turni rasman ochib beradigan "Torino" - "Frozinone" uchrashuvida chempionat autsayderi mavsumdagi ilk g'alabasini qo'lga kiritish uchun urinib ko'radi. "Torino" esa muvaffaqiyatsiz startdan so'ng asta-sekin turnir jadvalida yuqorilashni davom ettirish uchun ham bugun faqat g'alabani ko'zlab maydonga tushadi.
"Frozinone" hozircha A Seriyada g'alaba qozonmagan ikki jamoadan biri sifatida qolmoqda. Moreno Longo shogirdlari ushbu noxush seriyaga Turinda barham berishga bel bog'lashgan. Biroq Valter Maccari bunga osonlikcha rozi bo'lmasligi aniq.
Ushbu jamoalar bunga qadar to'rt marotaba o'zaro to'qnash kelishgan. Ustunlik hech bir tomonda emas. O'tkazilgan uchrashuvlarning teng yarmida "Torino", qolgan yarmida esa "Frozinone" g'alabani tantana qilishgan. Qizig'i, mazkur jamoalar hozircha hecham murosaga kelishmagan. 2011 yilgi mavsumda B Seriyada to'qnashgan raqiblar, 2016 yilga kelib A Seriyada o'zaro kurashni davom ettirishgan. Ikki yillik tanaffusdan so'ng "Torino" - "Frozinone" qarama-qarshiligi A Seriyada yana qayta tiklandi.
Ayni paytda "Frozinone" A Seriyada 1 ochko bilan 19-o'rinni egallab turibdi. "Torino" hisobida esa 9 ochko mavjud va jamoa turnir jadvalida 12-pog'onada bormoqda.
Torino Tomas Rincon - 20', Daniele Baselli - 46', Alex Berenguer - 71' |
Serie A . 8-tur 05/10/2018, 23:30 2
:
3
Tugadi
|
Frosinone Edoardo Goldaniga - 58', Camillo Ciano - 64' |
Stadion: Stadio Olimpico Grande Torino, 16554 tomoshabin
Bosh hakam: Ivano Pezzuto
Franciya 1 Divizionida yangi 9-tur "Tuluza" - "Nicca" to'qnashuvi bilan boshlanmoqda. Patrik Vieyra boshqaruvida "Nicca" "Tuluza" mehmoni bo'ladi. Ayni paytda mazkur jamoalar o'tkazilgan 8 uchrashuvdan so'ng 3tadan g'alabaga erishgan. "Tuluza" turnir jadvalida 7-pog'onada borayotgan bo'lsa, "Nicca" 5 o'rin pastroqda, yani 13-o'rinni band etib turibdi. Ammo "Nicca"da bu turning o'zidayoq "Tuluza"ni quvib o'tish imkoniyati bor. Jamoalarning ochkolaridagi farq 2 ochkoni tashkil etmoqda va birgina g'alaba orqali "Nicca" vaziyatni o'zi tomonga og'dirib olishi mumkin.
Toulouse Mathieu Dossevi - 54' |
Ligue 1 . 9-tur 05/10/2018, 23:45 1
:
1
Tugadi
|
Nice Bassem Srarfi - 29' |
Stadion: Stadium Municipal, 14162 tomoshabin
Bosh hakam: Willy Delajod
Ispaniya La Ligasida bugun 8-turga start beriladi. Turni esa "Atletik" va "Real Sosedad" o'rtasidagi bahs ochib beradi. Turnir jadvalida deyarli yonma-yon ketayotgan jamoalarning o'zaro to'qnashuvi qiziqarli o'tishi aniq.
"Atletik" turnir jadvalida 7 ochko bilan 15-o'rinda bormoqda, "Real Sosedad" esa 8 ochko jamg'argan holda 13-pog'onada. Eduardo Bericco jamoasi bugungi bahsda g'alaba qozonib turnir jadvalida "Sosedad"ni quvib o'tishni rejalashtirayotgani aniq. Asier Garitano esa bunga qarshi taktik qo'llanmalardan foydalanib ko'radi.
Athletic Bilbao Iker Muniain - 32' |
LaLiga . 8-tur 06/10/2018, 00:00 3
:
1
Tugadi
|
Real Sociedad Mikel Oyarzabal - 30', Luca Sangalli - 47', Mikel Oyarzabal - 74' |
Stadion: San Mames Barria, 46684 tomoshabin
Bosh hakam: Alejandro Hernandez
Angliya premer ligasida ham bugun 8-tur o'yinlari boshlanadi. Turni "Brayton" - "Vest Xem" o'rtasidagi qarama-qarshilik ochib beradi. Turnir jadvalida yonma-yon ketayotgan "qo'shnilar"ning o'zaro bahsini Kevin Frend boshqarib boradi. Kris Xugton va Manuel Pellegrinining to'qnashuvida qaysi murabbiyning qo'li baland kelishini tunda ko'ramiz.
"Vest Xem" o'tkazilgan 7 turdan so'ng 7 ochko jamg'argan holda 14-o'rinni egallab turibdi. "Brayton" esa 5 ochko bilan 15-pog'onani band etmoqda. Mazkur o'yin jamoalarga turnir jadvalida kattagina sakrashni amalga oshirish uchun xizmat qilishi mumkin. Bu jamoalar bunga qadar CHempionship va premer ligada to'qnash kelishgan. O'zaro o'yinlardagi tarozi pallasi teng. O'tkazilgan 4 o'yinda "Brayton" va "Vest Xem" 2tadan g'alaba qozonishgan. Bu to'qnashuvda hozircha durang natijasi qayd etilmagan.
Brighton & Hove Albion Glenn Murray - 25' |
Premier League . 8-tur 06/10/2018, 00:00 0
:
1
Tugadi
|
West Ham United |
Stadion: The American Express Community Stadium, 30544 tomoshabin
Bosh hakam: Kevin Friend
Fikrlar