So’nggi yangiliklar

13:21Дилмурод Назаров хотирасига бағишишланган "Наврўз Кубоги-2024" мусобақаси қандай ўтди?  0 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  9 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  17 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3

Kubokning Qarshiga kelishidagi bosh "aybdorlar" Yangiliklar

Kubokning Qarshiga kelishidagi bosh "aybdorlar"

Qarshining "Nasaf" klubi o'z tarixida ilk bor O'zbekiston kubogini qo'lga kiritdi.

Biz "ajdarlar"ning ushbu kubokni qo'lga kiritishiga katta xissa qo'shgan insonlar haqida so'z yuritamiz.


Eldorbek Suyunov

"Nasaf"ning asosiy posboni o'z faoliyatidagi ikkinchi katta sovringa ega chiqdi. Lekin 2011 yilgi OFK kubogi qo'lga kiritilganida Eldor Dmitro Kozachenko va Murod Zuhurovdan keyingi uchinchi darvozabon edi. Maydonga tushmay kubok yutish yaxshi, lekin asosiy tarkib azosi sifatida sovrinni boshi uzra ko'tarish mutlaqo o'zgacha. Eldorbek 2013 yilgi finalda "Nasaf" safida "Bunyodkor"ga yutqazib qo'ygandi. Oradan ikki yil o'tib darvozabon nihoyat kubokni qo'lga kiritdi. Suyunovning "Lokomotiv"ga qarshi yarim final dastlabki o'yini so'nggida amalga oshirgan seyvi yakunda "ajdarlar"ning finalga chiqishida asosiy faktorlardan biri bo'ldi.



SHerzod Azamov

O'zbekiston kubogida "Nasaf" 7ta o'yin o'tkazdi. SHerzod Azamov 6ta o'yinda to'liq o'ynadi. SHerzod jamoasining g'alabalariga himoyadagi ishonchli o'yinlari bilan xissa qo'shdi. Bo'ydor futbolchi finalda "Bunyodkor" darvozasiga gol urishga erishdi. Bahs oxirida avtogol sohibiga ham aylandi. Yaxshiyam Gevorkyan undan oldin to'p kiritgan ekan, aks holda "uyga borib bugun ikkita gol urdim" degan latifaning bosh qahramoniga aylanib ketarmidi...



Artur Gevorkyan

Oxirgi yillarda "Nasaf"ning motoriga aylanib bo'lgan turkmanistonlik legioner futbolchi OFK kubogidagi g'alabadan so'ng nihoyat O'zbekistonda ham sovrin yutdi. Penalty loyihasiga tashrif buyurganida Artur futboldagi erisha olmagan orzularidan biri O'zbekiston chempioni bo'lish va kubogini qo'lga kiritish ekanini aytgandi. O'sha intervyudan ko'p o'tmay Gevorkyanning orzularidan biri amalga oshdi. Aynan uning jarima to'pidan kiritgan to'pi final uchrashuvida hal qiluvchi zarbalardan biri bo'ldi. Kelajakda Artur ikkinchi orzusiga ham erishishiga tilakdoshmiz.



Ilhom SHomurodov

Ilhom SHomurodov 4ta gol bilan bu yilgi O'zbekiston kubogida "Nasaf"ning to'purari bo'ldi. Hujumchi "Oq-tepa"ga ham, "Paxtakor-2"ga ham ikkitadan to'p kiritdi. To'g'ri u finalda ham, yarim finalda ham gol urgani yo'q. Lekin dastlabki bosqichlarda gol urib g'alaba qozonilmasa jamoa hal qiluvchi o'yinlargacha etib kelmaydiku. SHunday ekan Ilhom SHomurodovning kubokni qo'lga kiritilishida kattagina xissasi bor. Finalda ham SHomurodov "Bunyodkor" himoyachilariga tinchlik bergani yo'q. 2011 va 2013 yilgi finallarda yutqazib qo'gan Ilhom nihoyat kubokni qo'lga kiritdi.



Ro'ziqul Berdiev

"Nasaf"ning hozirgi darajaga etishida Ro'ziqul Berdievning xissasi juda katta ekanligini barcha yaxshi biladi. Mavsum boshida ham, davralar oralig'ida ham jamoa hujumchiga muhtojlik sezdi. Biroq ayni paytda moliyaviy jihatdan u qadar baquvvat bo'lmagan klub hech qanday yulduz futbolchini xarid qila olgani yo'q. Ro'ziqul Berdiev esa bor imkoniyatdan maksimumni chiqara oldi. Azamat Allaniyozov va Kenja To'raev jarohati bois, Ilhom SHomurodov esa charchoq tufayli o'ynay olmagan paytlarda Artur Gevorkyanni hujumchi o'rnida o'ynatgan ham Berdiev bo'ldi. "Nasaf" ustozi "Oq-tepa" va "Paxtakor-2"ga qarshi kechgan bahslarda asosan yoshlarni maydonga tushurdi. "Lokomotiv"ga qarshi kechgan yarim finallarda esa to'g'ri taktika evaziga ilk o'yinda 2:0 hisobida zafar quchildi. Javob bahsida faqat natija uchun o'ynagan Qarshi jamoasi 0:1 hisobida yutqazganiga qaramay finalga yo'l oldi. hal qiluvchi bellashuvda O'zbekistonning eng kuchli klublaridan biri bo'lgan "Bunyodkor"ni mag'lub etishni uddaladi.

2003 yilgi O'zbekiston kubogi finalida futbolchi sifatida mag'lub bo'lgan Ro'ziqul Berdiev oradan 12 yil o'tib murabbiy sifatida ushbu sovringa ega chiqdi.



Narzulla Saydullaev

Reyting: +17   

Fikrlar

championat.asia
< so’nggi yangiliklarni ko’rish
Яндекс.Метрика