Kovtun: "Dzyuba fikrini o'ylab gapirish kerak"

Gap shundaki, Dzyuba o'z intervyularining birida, "Spartak"da shunday insonlar borki, ular uchun klub hech qanday rol o'ynamaydi",- degan edi. 

"Uning bu fikrlari meni ranjitdi. Faoliyatimni davom ettirayotgan kezlarim, sobiq jamoa va murabbiyga nisbatan xunuk fikr bildirish odobsizlikka kirardi. Biz bilan ham turli holatlar bo'lgan. Jamoadan xafa ketgan o'yinchi va mutaxassislarni ko'rardik. Lekin kamdan - kam hollarda ichki nizoni tashqariga olib chiqishardi. Biz bunga vijdonan haqqimiz yo'q edi deb bilar edik. Ayniqsa, sen o'zing tarbiya topgan klub haqida gapirsang", - deydi Kovtun.

So'zida davom etar ekan, bir necha marotaba Rossiya chempioni bo'lgan himoyachi shunday deydi:

- Bugungi yoshlar boshqacha tarbiya topishyapti. Hayotga boshqacha ko'z bilan qaraydilar, adolatparvar ko'rinadilar. Dzyubaning fikriga nima deyishim mumkin, Hurmatsizlik, anglashilmovchilik? Biron bir gap aytishga ojizman. U birinchi marotaba bunday yo'l tutmayapti, shuning uchun unga bu borada o'ylab gapirishni maslahat beraman.

Eslatib o'tamiz, uch karra Rossiya chempioni ayni paytda "Tosno" klubining bosh murabbiyi hisoblanadi.U 1994-2003 yillar oralig'ida Rossiya terma jamoasi sharafini jami 50ta uchrashuvda himoya qilgan.