Ko'pchilik ilg'amay qolgan statistika
14 dek 17:10
Yangiliklar

Ko'pchilik ilg'amay qolgan statistika

Madridning "Atletiko" klubi qatorasiga 10ta o'yinda g'alaba qozondi.

Muxlislar odatda "Barsa" yoki "Real" g'alaba qozonsa yoki mag'lubiyatga uchragudek bo'lsa, o'yin atrofida shov-shuv ko'tarishadi va bir nechta statistikalar keltiriladi. Ammo bazi jamolarning mag'lubiyatsiz seriyasi bir muddat ko'zdan qochadi.

Masalan, Madridning "Atletiko" klubi o'zi ishtirok etayotgan musobaqalarning oxirgi 10tasida g'alaba qozondi. Quyida shu natijalarni keltirib o'tamiz.

31.10.2024. Ispaniya Kubogi

"Vik - "Atletiko" 0:2

Gollar: Xulian Alvares 2ta.

03.11.2024. La Liga

"Atletiko" - "Las Palmas" 2:0

Gollar: Juliano Simeone, Aleksandr Syorlot.

07.11.2024. ECHL

PSJ - "Atletiko" 1:2

Gollar: Nauel Molina, Anxel Korrea.

10.11.2024. La Liga

"Malorka" - "Atletiko" 0:1

Gol: Xulian Alvares.

23.11.2024. La Liga

"Atletiko" - "Alaves" 2:1

Gollar: Antuan Grizman, Aleksandr Syorlot.

26.11.2024. ECHL

"Sparta" - "Atletiko" 0:6

Gollar: Xulian Alvares 2ta, Markos Lorente, Antuan Grizman, Anxel Korrea 2ta.

01.12.2024. La Liga

"Valyadolid" - "Atletiko" 0:5

Gollar: Kleman Langle, Xulian Alvares, Rodrigo de Paul, Antuan Grizman, Aleksandr Syorlot.

05.12.2024. Ispaniya Kubogi

"Kasereno" - "Atletiko" 1:3

Gollar: Kleman Langle, Rodrigo de Paul, Xulian Alvares.

09.12.2024. La Liga

"Atletiko" - "Sevilya" 4:3

Gollar: Rodrigo de Paul, Antuan Grizman 2ta, Samuel Lino.

11.12.2024. ECHL

"Atletiko" - "Slovan" 3:1

Gollar: Xulian Alvares, Antuan Grizman 2ta.

Mana shu uchrashuvlarda to'plar nisbati "Atletiko" foydasiga 30-7 ko'rinish oldi. "Atletiko" ayni payt La Liga turnir jadvalida 35 ochko bilan 3-o'rinda bormoqda. Peshqadam "Barselona" 38, ikkinchi o'rindagi "Real" 36 ochko to'plagan. Evropa chempionlar Ligasida ham "matraschilar"ning ishi chakki emas. "Atletiko" 36 jamoa orasida 12 ochko bilan 11-o'rinni egallab turibdi.

Aytib o'tganimizdek, "Atletiko" oxirgi 10ta o'yinning barchasida g'alaba qozondi. Bu jamoa so'nggi bor 27 oktyabr kuni safarda "Betis"ga 0:1 hisobida mag'lub bo'lgandi. Diego Simeone shogirdlari navbatdagi uchrashuvni 15 dekabr kuni uyda "Xetafe"ga qarshi o'tkazishadi.

X.Xoliqov