Kiberfutbol. Jahon chempionatida o'zbekistonliklar ishtirok etishmaydi

Ushbu saralash bosqichda 6 nafar o'zbekistonlik ishtirok etdi. 1 noyabr kuni ularning uch nafari o'z o'yinlarini o'tkazishdi. "Cartez91" hamda "tudobemm" nikli kiberfutbolchilarimiz ilk o'yinlardayoq mag'lubiyatga uchrab, saralash bosqichini muvaffaqiyatsiz yakunlashdi. "Alibebeto" niki ostida faoliyat yuritayotgan Muhammadamin Turg'unboev esa birinchi bosqichda franciyalik "souleyz"ni 6:4 hisobida mag'lubiyatga uchradi, biroq navbatdagi bahsda u ham mag'lub bo'ldi va turnirni tark etdi.

2 noyabrda esa yana uch kiberfutbolchimiz ("Sanjar_Blancos", "Unicode", "huggyBaggy_94") jahon chempionati saralash bosqichida ishtirok etishdi. Ammo saralash turnirining ikkinchi bosqichi ham biz uchun kiberfutbolchilarimiz uchun omadsiz yakunlandi va Parijda bo'ladigan jahon chempionatida O'zbekiston nomidan hech kim qatnashmaydi. Kiberfutbolchilarimizga mag'lubiyatdan ko'ngli cho'kmay, oldinga intilishda davom etishlarini tilab qolamiz.

Eslatib o'tamiz, 3-5 noyabr kunlari Parijda FIFA18 o'yini bo'yicha jahon chempionati bo'lib o'tadi. G'olib 15 000 dollarga ega bo'ladi.