Kelasi mavsumdan ECHL pley-off bosqichida ekstra-taymlardan voz kechilishi borasidagi xabarlar o'z tasdig'ini topmadi

Chempionlar Ligasi pley-off bosqichidagi qo'shimcha vaqtlar 2025/26 yilgi mavsumda bekor qilinmaydi.

Avvalroq, turli manbalarda UEFA futbolchilarga tushadigan yukni kamaytirish maqsadida ikki o'yin natijasiga ko'ra durang qayd etilgan taqdirda, qo'shimcha vaqtlarni bekor qilish va asosiy vaqtdan so'ng darhol penaltilar seriyasiga o'tish masalasini jiddiy ko'rib chiqayotgani haqida xabar berilgandi.

RMC Sport xabariga ko'ra, chorak final doirasida UEFA vakillari matbuotga Chempionlar Ligasi pley-offining amaldagi formati kelgusi mavsumda ham o'z kuchida qolishini malum qilgan.

Takidlanishicha, Chempionlar Ligasi pley-off o'yinlarida qo'shimcha vaqtlarni bekor qilish taklifi Klublar musobaqalari qo'mitasi yig'ilishida muhokama qilingan, biroq yakunda bu taklif jiddiy ko'rib chiqilmagan.