Katta tort, qadimiy qasrda kechki ovqat - "Lacio" 120 yillik yubileyini qanday nishonladi?
09 jan 2020 21:00
Yangiliklar
![](https://championat.asia/upload/storage/538607_original.jpg)
![](/upload/storage/538607_220.jpg)
Katta tort, qadimiy qasrda kechki ovqat - "Lacio" 120 yillik yubileyini qanday nishonladi?
"Lacio" — 2 marta mamlakat chempioni, 7ta Italiya Kubogi va 5ta Italiya Superkubogi sohibi, UEFA Kubogi hamda UEFA Superkubogi sovrindoridir. Klub B Seriyaga tushib ketdi, uchinchi ligada o'ynadi, ammo o'zini qo'lga oldi va yana elitaga qaytdi. Bunungi kunda rimliklarning barcha ishlari joyida. CHempionatda — 9ta g'alabali seriya va 11ta mag'lubiyatsiz uchrashuvlar seriyasi. Superkubokda esa "Yuventus" ustidan 3:1 hisob bilan qozonilgan g'alaba. Turnir jadvalida uchinchi pog'onani band etgan "Lacio" klubi bugun o'zining 120 yilligini nishonlamoqda.
Jamoa bayramona kechki ovqatlanish uchun Rim markazida joylashgan "Muqaddas farishta" qasrini ijaraga oldi: qariyb 2 ming yil avval qurilgan memoriy yodgorlikdan avvaliga maqbara sifatida foydalanishgan edi. Hozirda u harbiy-tarixiy muzey hisoblanadi.
"Lacio" uchun tashkil qilingan tantanali oqshomda klub rahbariyati, barcha xodimlar, futbolchilar va ularning oila azolari qasrga yig'ildilar. Rim meri Virdjiniya Radji, merning sport, yoshlar va turizm ishlari bo'yicha maslahatchisi Daniele Frondjia va italiyalik siyosatchi (sobiq Evropa transport komissari) Antonio Tayani ham "Lacio" bayramiga taklif qilindi.
Qasrning old qismi oq-ko'k rangli chiroqlar bilan bezatildi ("Lacio" rangi). Bir necha yil avval "Roma" o'zining 90-yillik yubileyini aynan shu qasrda nishonlagandi. Bu esa "Lacio" muxlislarini biroz ranjitdi. Biroq klub prezidenti Klaudio Lotito hammasini tushuntirdi: "Biz aynan shu joyni tanlaganimizga sabab: uning ramzi — burgut hisoblanadi, xuddi bizniki kabi. Bu ideal tasodif".
Bayram davomida klub logotipini aks ettirgan chiroqlar vaqti-vaqti bilan yonib turdi. Xo'sh, bayram torti qanday bo'ldi? Bunga quyidagi surat orqali o'zingiz guvoh bo'lishingiz mumkin:
Klubdan yana bir tuhfa — yubiley munosabati bilan logotipga bayramona bezak berildi.
Futbolchilar qasrda raqsga tushayotgan paytlarida, muxlislar Rim markazida keng yo'lakni bezatdilar: olov, kuy-qo'shiq va "Roma" manzili tomon aytilgan haqoratli so'zlar... Etiborlisi shundaki, Rim markazida hech qanday tartibsizlik bo'lmadi. Miliciya xodimlari muxlislar orasidagi bayramni tinchgina nazorat qildilar. Klub ishqibozlari kuyladilar, raqsga tushdilar, baqirdilar, ammo o'zlarini yaxshi tutdilar. Bu esa "Lacio"ni qattiq hurmat qilishlaridan dalolatdir.
SHu fursatdan foydalanib, "Lacio"ning ashaddiy muxlislarini klubning 120 yillik yubileyi bilan muborakbod etamiz. Sevimli jamoangiz doimo g'alaba qozonishi va birinchilar qatorida bo'lishini tilaymiz!
Nozima Zaripova tarjimasi
O’xshash yangiliklar
![AMP Logo](https://championat.asia/image/logo-amp.png)
Fikrlar