Karlush Keyrush: “Bizni hatto durang ham qoniqtiradi”

Eron termasi shu paytgacha ketma-ket 12 marta Osiyo chempionatida ishtirok etgan jamoa hisoblanadi. JCH-2014 saralash bosqichida forslar Beyrutdan 0:1 hisobidagi mag'lubiyat bilan qaytishgandi. Xo'sh, bu safar nima bo'ladi? Bu borada terma jamoa ustozi Karlush Keyrushning fikrlari quyidagicha bo'ldi:

“Biz o'zimizga to'liq ishonamiz. Har ikkala jamoada ham Osiyo Kubogiga borish imkoniyati mavjud. Lekin biz birinchi bo'lib yo'llanmani qo'lga kiritmoqchimiz. Men Livandan o'sha mag'lubiyat uchun qasos olish haqida o'ylayotganim yo'q. CHunki futbolda bunday qilish yaxshi emas. Beyrutdagi mag'lubiyatdan so'ng ancha vaqt o'tdi va bu orada yanada kuchayib oldik. Endi esa navbatdagi to'qnashuvga tayyormiz”.

Juzeppe Jannini (Livan termasi bosh murabbiyi): “Meni o'yinchilarimning hozirgi holati to'liq qoniqtiryapti. O'ylaymanki, ular Eronga qarshi bor kuchlarini berib o'ynashadi. Biz doim yutuqlar to'risida o'ylaymiz, raqibimiz hatto Eron bo'lsa ham”.

Bugun shuningdek, “V” guruhida Quvayt – Tailand bellashuvi bo'lib o'tadi. Quvaytliklar ustozi Jorvan Vieyra Quvayt ikkinchi o'rinda borayotganiga qaramay, hali vazifa bajarilmaganini taqidladi:
 
“Oldimizda navbatdagi bahsda g'alaba qozonishdan boshqa yo'l yo'q. Men uchun avvalo o'z jamoamning natijasi muhim. SHundagina kerakli ochkolarni qo'lga kiritib, Osiyo chempionatiga yo'l olamiz. Tailand o'tgan turda Eronga mag'lub bo'lgani bilan yaxshi o'yin ko'rsatdi. Ulardan ehtiyot bo'lish kerak”.

Xayrulla Xoliqov tayyorladi.