Kamoliddin Tojiev "Xitoy chempionatida yana ikki yil o'ynamoqchiman"

"Yil yakunida jamoam bilan tuzadigan shartnomam o'z yakuniga etadi. Lekin yana ikki mavsum Xitoyda to'p tepaman. Oldimda bir qator takliflar bor, balki klubimni almashtirmasman. Bu borada mavsum yakuniga etganidan keyin agentim bilan maslahatlashib bir qarorga kelaman", - deydi Tojievlar sulolasining o'rtanchasi.

- Bir yil avval fovoritlar qatorida borgan klubni ko'p o'tmay o'rtamiyonalar qatoridan joy olayotganligi ko'pchilik uchun qiziq?
- Xitoyda "Guandjou Evergrand" klubini inobatga olmaganda qolgan barcha jamoalarning imkoniyatlari teng. Mavsum boshida qaysi jamoa o'z safini kuchli hujumchi bilan boyitib olsa yutish imkoniyati oshadi. Bu erda asosiy o'yinni legionerlar qilishadi. Mahalliy futbolchilarning barining saviyasi bir xilda. Qolaversa bizning jamoa bu yil bir qator yoshlarni asosiy tarkibga jalb etdi. Bu ham natijalarimizga tasir o'tkazmay qolmadi.

- O'zbekiston chempionatini kuzatib borayotgan bo'lsangiz, ukangizni o'yiniga nima deysiz?
- Avvalgi yil Farhod jarohati tufayli o'z imkoniyatini ishga sola olmadi. Bu yil esa aksincha formasini tiklab olgan holda chempionatning bombardirlari ro'yhatini yuqori pog'onasidan joy olib turibdi.
Bugungi intervyudan foydalangan holda, do'stimiz Oybek Kasimovni tug'ilgan kuni bilan chin yurakdan muborakbod etaman. Doimo oilasining baxtiga sog' va salomat bo'lib yursinlar.