"Kaluga Junior Cup": "Paxtakor" "Juniorul"dan ustun keldi

Rossiyada 2018 yil o'tkaziladigan jahon chempionati oldidan va Kaluga viloyatida ommaviy futbolni rivojlantirish maqsadida tashkil qilingan musobaqada 2002 yilda tavallud topgan futbolchilar ishtirok etmoqda. 1-turda Ruminiyaning "Juniorul" jamoasiga qarshi maydonga chiqqan Dilshod Nuraliev shogirdlari irodali g'alabaga erishdilar. Raqibning goliga javob bergan tarbiyalanuvchilarimiz keyin ikki to'p o'tkazib yuborishdi. Tanaffusgacha muvozanatni tiklagan "Paxtakor" yoshlari ikkinchi bo'limda g'alaba keltirgan golni urishdi va 4:3 hisobida zafar quchishdi. 2-turda jamoamiz ertaga Abxaziyaning "Dinamo" jamoasi bilan bellashadi.