​Joze Mourinyu: "2:6 hisobida yutqazishimiz mumkin edi"

"Birinchi navbatda shuni aytishim kerakki, men APLda eng omadli murabbiyman. CHunki, bugungi o'yinda 5:2 yoki 6:2 natijalari qayd etilish mumkin edi. Himoyada juda yomon o'yin ko'rsatdik. Hafta davomida pressing borasida mashg'ulot o'tkazdik. Lekin, ushbu o'yindan keyin odamlar chin dildan shug'ullanganimizga ishonishmaydi. Tanaffusda nimalarni aytdim? SHogirdlarimga yomon o'ynashga umuman haqqimiz yo'qligini uqtirdim. Pozitiv so'zlarim orqali jamoani ruhlantira oldim".

"Errerani maydonga chiqarganimdan hursandman. U bizga to'pni tezda qaytarib olish uchun kerak edi. Ushbu almashtirishni amalga oshirganimdan juda mamnunman, chunki jamoa o'yini yanada yaxshilandi. Yang va Reshford ishtirokidagi 2 imkoniyatdan foydalana olmaganimizga ishongim kelmaydi. Nega bahsni juda sekin boshlaganimizni bilmayman. To'pni yo'qotgan payt bizga barqarorlik etishmadi. O'sha lahza hamma narcaga tayyor edik. Men jamoa mentalitetini tushuna olmayapman. Bu esa sochlarimni yanada oqarishiga sabab bo'lmoqda", -  deya Mourinyu so'zlarini keltirdi BBS nashri.