Jiru Saudiya Arabistonidan tushgan taklifni rad etdi

Bu haqda "Corriere della Sera" xabar berdi.

Manbaga ko'ra, hujumchi yozgi transfer oynasida jamoasini o'zgartirishni rejalashtirmayapti. Jiru 2024 yilgi Evropa chempionatida ishtirok etishni o'ylayapti.

"Bizga bir nechta vositachilar murojaat qilishdi, ammo biz rad etdik", – dedi agent Maykl Manuello nashrga bergan intervyusida.

36 yoshli forvard "Milan"da 2021 yildan buyon o'ynab kelmoqda. Uning amaldagi shartnomasi 2024 yilgacha mo'ljallangan.

U 2022/23 yilgi mavsum Italiya klubi safida 47 ta o'yin o'tkazib, 18 ta gol urgan va 7 ta golga assistentlik qilgan.