JCH saralash. Saudiya Arabistoni Toshkentda yutib ketganidan beri nechta o'yin o'tkazdi?

Toshkent vaqti bilan soat 23:00da Ar Riyoddagi "King Saud University" stadionida Saudiya Arabistoni - O'zbekiston uchrashuvi start oladi. Guruh jadvalida saudiyaliklar 17 ochko bilan birinchi, O'zbekiston esa 15 ochko to'plagan holda ikkinchi o'rinda bormoqda. Demak, bugungi to'qnashuv guruhda birinchi bo'lish masalasini hal qiladi. 

SHu paytgacha har ikki jamoa jahon chempionatlari saralash o'yinlarida o'zaro 5 marta kurash olib borgan. SHundan uchtasida Saudiya Arabistoni terma jamoasini qo'li baland kelgan bo'lsa, bir marta O'zbekiston milliy terma jamoasi g'alaba qozongan hamda bitta o'yin durang bilan yakun topgan. JCH saralash o'yinlarida yagona g'alabamiz 2008 yilning 26 mart sanasida ro'y bergan. 

Hozirgi "Bunyodkor" stadioni o'rnida oldin MHSK stadioni bo'lardi. O'sha o'yingohda saudiyaliklarni 3:0 hisobida mag'lub etganmiz. Rauf Inileev qo'l ostida to'p tepgan futbolchilardan Timur Kapadze, Maksim SHackix va Server Jeparov gol muallifi bo'lishgan. 

Saudiya Arabistoniga qarshi hozircha oxirgi uchrashuvni 2019 yilning noyabr oyida o'tkazdik va "Paxtakor" stadionida kechgan bahsda 2:3 hisobida yutqazib qo'ydik. Bu o'yinda Eldor SHomurodov bilan Otabek SHukurov gol muallifi bo'lganini yaxshi bilasiz. 

Saudiya Arabistoni bizni Toshkentda yutib ketganidan beri 12ta bahsda maydonga tushdi. 

19.11.2019. O'rtoqlik uchrashuvi. Saudiya Arabistoni - Paragvay 0:0

27.11.2019. Ko'rfaz Kubogi. Saudiya Arabistoni - Quvayt 1:3

30.11.2019. Ko'rfaz Kubogi. Bahrayn - Saudiya Arabistoni 0:2

02.12.2019. Ko'rfaz Kubogi. Ummon - Saudiya Arabistoni 1:3

05.12.2019. Ko'rfaz Kubogi. Saudiya Arabistoni - Qatar 1:0 

08.12.2019. Ko'rfaz Kubogi. Bahrayn - Saudiya Arabistoni 1:0 

14.11.2020. O'rtoqlik uchrashuvi. Saudiya Arabistoni - Yamayka 3:0 

17.11.2020. O'rtoqlik uchrashuvi. Saudiya Arabistoni - Yamayka 1:2

25.03.2021. O'rtoqlik uchrashuvi. Saudiya Arabistoni - Quvayt 1:0

30.03.2021. JCH-2022 saralash. Saudiya Arabistoni - Falastin 5:0

05.06.2021. JCH-2022 saralash. Saudiya Arabistoni - Yaman 3:0

11.06.2021. JCH-2022 saralash. Singapur - Saudiya Arabistoni 0:3

O'tkazilgan 12 o'yinning 8tasida saudiyaliklar g'alaba qozongan bo'lsa, 3 marta mag'lubiyatga uchrashdi hamda bir bor durang qayd etishdi. Etiborlisi, bu jamoa oxirgi 4ta o'yinni g'alaba bilan yakunladi hamda o'z darvozasidan gol o'tkazib yubormadi.