JCH-2026 saralashi haqida batafsil. O'zbekiston qachon va qaysi bosqichdan boshlaydi?

O'zbekiston milliy terma jamoasi esa mundial yo'llanmasi uchun kurashni noyabr oyidan boshlaydi. Quyida Osiyo qitasidagi saralash mexanizmi haqida batafsil malumot beriladi.

Birinchi bosqich. FIFA reytingida Osiyo qitasining 27-46-jamoalari (20ta terma jamoa) o'zaro uy-safar tizimida o'yin o'tkazishadi. 10ta g'olib ikkinchi bosqichga chiqadi.

Birinchi bosqichda ishtirok etadigan jamoalar: Gonkong, Indoneziya, Xitoy Taypei, Maldiv orollari, Yaman, Afg'oniston, Singapur, Myanma, Nepal, Kambodja, Makao, Mo'g'uliston, Butan, Laos, Bruney Darussalam, Bangladesh, Timor Leste, Pokiston, Guam, SHri Lanka.

Sanasi: Birinchi o'yin 12 oktyabr, javob o'yini 17 oktyabr.

Ikkinchi bosqich. Ilk bosqichda g'olib bo'lgan 10ta jamoa va FIFA reytingida Osiyo qitasining 1-25-jamoalari (jami 36ta terma jamoa) 9ta guruhga bo'linadi. Har bir guruhda 4tadan jamoa bo'ladi. Guruhlarda 1 va 2-o'rinni olgan jamoalar keyingi bosqichga hamda Osiyo kubogi final bosqichiga yo'llanma olishadi. O'zbekiston terma jamoasi ushbu bosqichga qura tashlash jarayonida ikkinchi savatchada bo'ladi. Sababi O'zbekiston Osiyoda 10-o'rinda. Agar O'mondan o'tib keta olganimizda birinchi savatchada bo'lardik. Birinchi va ikkinchi bosqichga 27 iyul kuni qura tashlanadi.

Birinchi savatcha: Yaponiya, Eron, Avstraliya, Janubiy Koreya, Saudiya Arabistoni, Qatar, Iroq, BAA, O'mon.
Ikkinchi savatcha: O'ZBEKISTON, Xitoy, Iordaniya, Bahrayn, Suriya, Vetnam, Falastin, Qirg'iz Respublikasi, Hindiston.
Uchinchi savtcha: Livan, Tojikiston, Tailand, KXDR, Filippin, Malayziya, Kuvayt, Turkmaniston va birinchi bosqichdan chiqqan bitta jamoa.
To'rtinchi savatcha: Birinchi bosqichdan chiqqan 9ta jamoa.

Sanasi:
1-tur 16 noyabr 2023
2-tur 21 noyabr 2023
3-tur 21 mart 2024
4-tur 26 mart 2024
5-tur 6 iyun 2024
6-tur 11 iyun 2024

Uchinchi bosqich. O'tgan bosqichdan muvaffaqiyatli o'tgan 18ta jamoa 3ta guruhga 6tadan bo'linadi. Har bir guruhda 1 va 2-o'rinni olgan jamoalar (6ta terma jamoa) to'g'ridan-to'g'ri Jahon chempionatiga yo'llanma oladi. Guruhlarda 3 va 4‑o'rin egalari (6ta terma jamoa) keyingi bosqichga yo'l oladi.

Sanasi:
1-tur 5 sentyabr 2024
2-tur 10 sentyabr 2024
3-tur 10 oktyabr 2024
4-tur 15 oktyabr 2024
5-tur 14 noyabr 2024
6-tur 19 noyabr 2024
7-tur 20 mart 2025
8-tur 25 mart 2025
9-tur 5 iyun 2025
10-tur 10 iyun 2025

To'rtinchi bosqich. 6ta terma jamoa ikkita guruhga 3tadan bo'linadi. Har bir guruhda birinchi o'rinni olgan jamoalar (2ta terma jamoa) Jahon chempionatiga yo'llanma oladi. Ikkita guruhda ikkinchi o'rinni olgan jamoalar keyingi bosqichga yo'l olishadi.

Sanasi:
1-2-3-tur sentyabr-noyabr 2025

Beshinchi bosqich. Yuqoridagi ikki jamoa o'zaro uy-safar tizimida pley-off uchrashuvida maydonga tushishadi. G'olib qitalararo pley-offga yo'l oladi.

Sanasi: hozircha nomalum

Oltinchi bosqich. O'tgan bosqichda g'olib bo'lgan jamoa Afrika, Janubiy Amerika va Okeaniyadan bittadan, SHimliy Amerikadan ikkita jamoa bilan birga ikkita yo'llanma uchun kurashadi.

Sanasi: hozircha nomalum