So’nggi yangiliklar

01:51Расман: Оле-Гуннар Сульшер истеъфога чиқарилди  1 01:30Отабек Боймуродов: "Ҳар бир рақиб учун алоҳида тайёрланамиз"  1 01:08Конференциялар лигаси саралаши. "Фиорентина"дан суперкамбэк!  0 00:49Ўзбекистон U23 термаси Осиё Кубоги саралаши учун тайёргарликни давом эттирмоқда ГАЛЕРЕЯ  0 00:26"Истанбул Башакшеҳир" миссияни уддалай олмади  52 00:13"Манчестер Юнайтед"нинг асосий футболчиси "Челси"га ўтмоқда!  4 23:56Аёллар ўртасидаги ОЧЛ саралаши. "Севинч" "Ал Насср"ни бурчакдан урилган гол эвазига мағлуб қилди  1 23:33Диёр Холматов: "Европага кетишим шу йиғиндан кейин ҳал бўлади"  7 23:17"Кристал Пэлас" ўз тарихида илк марта еврокубокларда ўйнайди  0 22:50Маҳмуд Маҳамаджонов: "Янги жамоага кўникиш осон бўлди. Энди бор эътибор термага қаратилади"  1 22:19ЕЧЛ. "Реал" Қозоғистонга келади, "Қайрат" Милан ва Лондонга боради: қуръанинг барча натижалари билан танишинг  28 21:54Одил Ҳамробеков: "Ҳозирги мураббийимиз Тимур Кападзе. Унинг қўл остида CAFA турнирига тайёргарлик кўряпмиз"  2 21:17Ўзбекистон термаси йиғинни бошлади ГАЛЕРЕЯ  4 20:45Пол Паркер: "Онана дарвозабон эмас"  3 20:12"Динамо" ҳақ бўлиб чиқди: "Ҳакам қарори нотўғри!"  22

JCH–2018 saralashi. Eron – O'zbekiston uchrashuvi prevyusi Yangiliklar

JCH–2018 saralashi. Eron – O'zbekiston uchrashuvi prevyusi

Teglar :  O'zbekiston MTJEron
Osiyo mintaqasidan JCH–2018 turniriga saralash bosqichi “A” guruhi 8-turida O'zbekiston terma jamoasi safarda Eron futbolchilariga qarshi bahs yuritadi.

Bellashuv 12 iyun, dushanba kuni Tehron shahridagi “Ozodi” stadionida bo'lib o'tadi. O'yin Toshkent vatqi bilan 21:45 da boshlanadi.

O'FF matbuot xizmati jamoalar o'rtasidagi o'zaro o'yinlar statistikasi, tarkibdagi yo'qotishlar va bo'lajak o'yinga oid boshqa malumotlarni taqdim qiladi.

O'zaro uchrashuvlar

O'zbekiston va Eron shu kungacha 7 marotaba o'zaro to'qnash kelgan. Forslar 5 o'yinda g'alaba qozongan bo'lsa, bitta uchrashuvda milliy terma jamoa zafar quchgan. Yana bir o'yinda murosa ko'chasi tanlangan. O'zbekiston milliy terma jamoasining Eronga qarshi yagona g'alabasi 2012 yili Tehronda qayd etilgan.



Jamoalar o'rtasidagi barcha o'yinlar natijasi

14.12.1998  O'zbekiston – Eron 0:4  |  Osiyo o'yinlari 1/4 final

11.07.2007  Eron – O'zbekiston 2:1  |  Osiyo Kubogi, guruh bosqichi

05.09.2009  O'zbekiston – Eron 0:0  |  O'rtoqlik o'yini

03.06.2012  O'zbekiston – Eron 0:1  |  JCH–2014 saralashi

14.11.2012  Eron – O'zbekiston 0:1  |  JCH–2014 saralashi

11.06.2015  O'zbekiston – Eron 0:1  |  O'rtqolik o'yini

06.10.2016  O'zbekiston – Eron 0:1  |  JCH–2018 saralashi



Bo'lajak o'yinga tayyorgarlik

O'zbekiston milliy terma jamoasi Eronga qarshi o'yin oldidan 6 iyun kuni Toshkentda Tailand termasi bilan kuch sinashdi. Temurxo'ja Abduxoliqov va Sardor Rashidovning gollari O'zbekistonga 2:0 hisobidagi g'alabani olib keldi.

Eron termasi 4 iyun kuni Podgorica shahrida CHernogoriya futbolchilariga qarshi bahs olib bordi. Sardor Azmunning dubli Karlush Keyrush jamoasiga 2:1 hisobidagi g'alabani keltirdi.



Yo'qotishlar

O'zbekiston terma jamoasi safida bir qator yo'qotishlar mavjud. Jumladan, Vitaliy Denisov, Islom To'xtaxo'jaev, Aleksandr Merzlyakov kabi futbolchilar Tailand va Eronga qarshi o'yinlarda maydonga tushmasligi ancha oldin malum bo'lgan edi.

Keyinroq shifokorlar tavsiyasiga ko'ra Odil Hamrobekov milliy terma jamoa lagerini tark etib, “Nasaf” ixtiyoriga yuborildi. Tailand bilan o'yinda jarohat olgan Marat Bikmaev Eronga bormasligi malum bo'ldi.

Eron terma jamoasi safida yo'qotishlar yo'q. O'zbekiston bilan o'yinga jalb qilingan futbolchilardan hech biri jarohat olmagan yoki malum sabablarga ko'ra lagerni tark etmagan. 



FIFA reytingidagi o'rni

1 iyun kuni Xalqaro futbol federaciyasi (FIFA)ning yangilangan reytingni elon qilingan edi. Unga ko'ra, O'zbekiston terma jamoasi 582 ochko bilan 62-o'rinni egalladi. Hisobida 829 ochko bo'lgan Eron jahon reytingida 30-pog'onadan joy oldi. OFKga azo mamlakat terma jamoalari o'rtasida forslar birinchi, O'zbekiston oltinchi o'rinda bormoqda.



Uchrashuv hakamlari

Eron – O'zbekiston uchrashuviga ummonlik FIFA referisi Ahmad Abu Bakar Said al-Kaf mazkur bosh hakam etib tayinlandi. Unga qanotlarda hamyurtlari Hamid Sulaymoy Marhun al-Mahayi hamda Abu Bakar Salim Mahad al-Amri yordam beradi. Umar Muborak Mazarua al-Yoqubiy zaxira hakami sifatida ishlaydi.

Hakamlar ishiga malayziyalik Muhammad Solih Subhiddin baho beradi. Uchrashuv komissari etib yaponiyalik Kaise Tomoxiro tayinlandi. Xavfsizlik bo'yicha oficer – Tara Singx (Malayziya).



Guruhdagi vaziyat

JCH–2018 turniriga saralash bosqichi “A” guruhi 7-turidan keyin vaziyat quyidagicha: Eron 17 ochko bilan peshqadam, Janubiy Koreya 13 ochko, O'zbekiston 12 ochko bilan mos ravishda 2–3 o'rinlarni egallab turibdi. Guruhdagi 4–6 o'rinlarni esa tegishli ravishda Suriya (8 ochko), Xitoy (5 ochko) va Qatar (4 ochko) egallagan.

“A” guruhi 8-turning qolgan o'yinlari

Saralash bosqichining “A” guruhi 8-turida Suriya neytral maydon – Malayziyada Xitoy terma jamoasi bilan to'qnash keladi. O'yin 13 iyun kuni Toshkent vaqti bilan 18:45 da boshlanadi. Qatar termasi esa 13 iyun kuni Janubiy Koreyani Doha shahrida qabul qiladi. Bellashuv Toshkent vaqti bilan 23:59 da boshlanadi.

Reyting: -26   

Fikrlar

championat.asia
< so’nggi yangiliklarni ko’rish
Яндекс.Метрика