JCH-2002 chempioni o'zini Messi, Ronaldu va Neymardan zo'r deb hisoblamoqda. Bu Ronaldo ham, Ronaldino ham emas

“Faoliyatim cho'qqisida Neymardan yaxshi o'ynaganman. Avvalosi u mendan yaxshi bo'lishi uchun mundialda g'olib chiqsin. Menda xarakter bor, Messi ham mendan yaxshi bo'lishi uchun JCHda g'alaba qozonishi kerak. Krishtianu Ronaldu — shunchaki kuch, xolos. U ikkala oyog'ida ham kuchli zarba bera oladi. Ammo menda undan ko'ra ko'proq iqtidor bor”, — deydi Edilson.

Malumot uchun, Edilson JCH-2002 da Braziliya terma jamoasi safida to'liq bo'lmagan 4 ta o'yinda maydonga tushgan. Maydonda jami 170 daqiqa harakat qilgan. Gol ham urmagan, golli uzatma ham bermagan. Klubdagi faoliyatida esa Braziliya chempionatidan tashqari “Benfika” safida, shuningdek, Yaponiya va BAA klublarida to'p tepgan.