Javohir Qahramonov: "Medallar uchun kurashmoqchimiz"

Ulug'bek Baqoev shogirdlari kecha yig'in doirasidan o'rin olgan galdagi o'rtoqlik uchrashuvida ishtirok etishdi. "Qo'qon-1912" raqiblik qilgan bahsda jizzaxliklar 1:2 hisobida mag'lub bo'ldi. Ushbu uchrashuvdan so'ng "So'g'diyona" yarim himoyachisi Javohir Qahramonov fikrlari bilan o'rtoqlashdi. 

"4 yanvar sanasidan etiboran Toshkentda mashg'ulotlarni boshladik. Hozirga qadar ikki mahaldan mashg'ulotlar olib bormoqdamiz. "So'g'diyona" bilan o'yindan so'ng murabbiylar shtabi futbolchilarga 3-4 kunlik dam olish imkoniyatini berishdi. 

Maqsadimiz turnir jadvalida yaxshi o'rinlarni egallash. Medallar uchun kurashmoqchimiz, desam mubolag'a bo'lmaydi. 

Jamoamizga kelib qo'shilgan futbolchilar haqida ijobiy fikr bildirishim mumkin. Arslanmirat Amanov, serbiyalik himoyachi ayni kunlarda yig'inda ishtirok etmoqda. Ularning o'yinini mavsum davomida ko'ramiz. Baribir o'rtoqlik o'yinlarida ko'p narsani ko'rib olish qiyin bo'ladi. CHunki, turli yuklamalar tushadi",- deydi Qahramonov.