Janubiya Koreya terma jamoasi sardori durangda muxlislarni ayblagani uchun uzr so'radi
02 sen 2017 13:35
Yangiliklar
![](https://championat.asia/upload/storage/275596_original.jpg)
![](/upload/storage/275596_220.jpg)
Janubiya Koreya terma jamoasi sardori durangda muxlislarni ayblagani uchun uzr so'radi
Straitstimes nashrining malum qilishicha, o'yindan so'ng koreyaliklar sardori Kim Yong-Gvon ushbu durangda muxlislarni ayblagan.
"Muxlislarning ovozi juda baland edi, jamoadoshlarimning gapini eshitish juda qiyin bo'ldi. Bor ovozimiz bilan baqirganimizda ham hech narsa eshitilmasdi. Bunday holat bo'lishini kutgandik, ammo jamoadoshlarimni eshita olmaslik noqulaylik keltirib chiqardi" - degan edi Kim Yong-Gvon Eronga qarshi bahsdan so'ng.
Ushbu so'zlardan g'azablangan koreyalik ishqibozlar, terma jamoa sardorini haqoratlar bilan "ko'mib tashlashdi".
"Omadsiz o'yin uchun muxlislarni ayblagan futbolchini hech qachon ko'rmagan edim. Uyat senga!" - deb yozdi ishqibozlardan biri.
"Uchrashuv jimlikda o'tganida yaxshiroq o'ynarmidingiz, men bunday deb o'ylamayman" - deya izoh qoldirgan yana bir muxlis.
O'yindan bir kun o'tib, Koreya terma jamoasi sardori muxlislardan kechirim so'radi.
"Bizni qo'llab-quvvatlagan barcha muxlislar oldida uzr so'rayman. Men buni nazarda tutmagan edim. Xato qildim. Bundan juda afsusdaman" - deydi Kim Yong-Gvon.
Eslatib o'tamiz, Seuldagi "Seoul World Cup" stadionida bo'lib o'tgan bahsga 63124 muxlis tashrif buyurgan.
![AMP Logo](https://championat.asia/image/logo-amp.png)
Fikrlar