Jaloliddinov hamda o'tgan mavsum Qozog'iston kubogini qo'lga kiritgan Abdumajidov "Olimpik"ka o'tdi

Ruslan Jiyanov Rossiya klubi bilan shartnoma imzolagach "Olimpik"ka qaytadi

24 yanvardan "Olimpik" jamoasi Toshkentda mashg'ulotlarni boshladi. Bu mavsumoldi tayyorgarlikning uchinchi bosqichi hisoblanadi.

Timur Kapadze jamoasi tarkibiga bir qator yangi o'yinchilar kelib qo'shildi. Jumladan, o'tgan mavsumning birinchi qismini Qozog'istonning "Qayrat" jamoasida, ikkinchi qismini esa Toshkentning "Lokomotiv" klubida o'tkazgan Jasur Jaloliddinov yangi mavsumni "Olimpik"da o'tkazadi. U ijara asosida Kapadze jamoasiga o'tdi. Uning transfer huquqi "temiryo'lchilar"ga tegishli.

Bundan tashqari, o'tgan mavsum "Ordabasi" bilan Qozog'iston Premer ligasida beshinchi o'rin va mamlakat kubogida g'oliblikni qo'lga kiritgan Odil Abdumajidov ham ijara asosida "Olimpik"da o'ynaydi. 21 yoshli markaziy himoyachining transfer huquqi "Metallurg" klubiga tegishli. U "Ordabasi"da ham ijaraga o'ynagandi.

Eslatib o'tamiz, Abdumajidov o'tgan mavsum Qozog'iston chempionatida 23ta uchrashuvda maydonga tushgan va 2ta gol urib, 3ta golli pas bergan. Kubokda esa 6ta bellashuvda o'ynagan.

Jasur ham, Odil ham "Olimpik" bilan birga mashg'ulotlarda ishtirok etishmoqda.

Suratlar muallifi: Tolibjon Qosimov

Odil Abdumajidov.