Jahongir Jiyamurodov: "Bunyodkor", "Nasaf" va "So'g'diyona" bilan o'yinlar "Rubin"ga katta dars bo'ldi"

"O'tgan turda "Nasaf" bilan o'yindan keyin ham aytgandim. Biz o'yindan-o'yinga kuchayib borishga urinayapmiz. Yigitlarga rahmat aytaman, hujumda yosh futbolchilarni sinab ko'rdik, gol urishga ham erishdik. Baribir darajada farq sezildi. 75-daqiqadan keyin futbolchilarimning kuchi qolmadi, o'zgarishlar deyarli o'zini oqlamadi. Taktik tomonlama, o'zimizning qo'pol xatolarimiz bilan ikkita gol o'tkazib yubordik", - dedi Jiyamurodov.

- "Rubin" juda qiyin guruhga tushgandi, bu futbolchilarning ruhiyatiga tasir qilmadimi?
- To'g'ri guruh juda kuchli edi. Ammo shunday kuchli klublarga qarshi bahslar biz uchun maktab bo'ladi. Uchta o'yindagi xatolarni bartaraf etishga urinamiz. Birinchi o'yinda "Bunyodkor"ga o'ta yirik hisobda yutqazdik, keyingi ikkita bahsda baribir o'zimizga keldik.

- "Rubin" Birinchi ligadagi maqsadi qanday?
- Rahbariyat katta maqsadlar qo'ygan. Klubga kelganimga ko'p bo'lgani yo'q, maqsadimiz Pro ligaga chiqish. Tarkibga "Istiqlol"dan 2-3 futbolchini qo'shib oldik.