Ixtiyor Karimov: “Omadsizliklar ortda qoldi”

-   Nihoyat, o'tgan turda Farg'onada bu yilgi chempionatning boshlanishidagi omadsizliklarga chek qo'ydik. Dastlabki, aytish joiz muhim ochkoni qo'lga kiritdik. Bu durang yigitlarimizning o'zlariga bo'lgan ishonchini yanada mustahkamladi. Muxlislarimizga esa yaxshi kayfiyat bag'ishladi.

Jizzaxliklarga qarshi o'tadigan bugungi uchrashuvni ham ana shu ruhda davom ettiramiz. “So'g'diyona”ga bo'lgan hurmatimizni saqlab qolgan holda shuni aytamanki, muxlislarimiz ko'z o'ngida va qolaversa ularning qullab-quvvatlashlari ostida g'alaba qozinishga harakat qilamiz.

Tarkibda yo'qotishlar, jarohatlar, muammolar yo'q. Hammaning kayfiyati yaxshi. SHogirdlarim bugungi uchrashuvga shay holatda turishibdi.

“SHo'rtan” PFK matbuot xizmati