Ivan Nagaev yil oxiriga qadar safdan chiqdi

"Turkiyadagi o'quv-mashg'ulot yig'inida jarohat olgan Ivan Nagaev instrumental tekshiruvdan o'tkazildi. Bu tekshiruvlar natijasida birlamchi tashxis o'z tasdig'ini topdi. Yani, hujumchiga chap son old mushagining cho'zilishi (mushak ichki tolalarining kichik yirtilishi bilan) tashxisi qo'yildi.

Bundan malum bo'lyaptiki, Nagaev uchun yil oxirigacha davom etadigan o'quv-mashg'ulot yig'ini o'z yakunini topdi.

SHunga qaramasdan murabbiylar futbolchini yig'in guruhida olib qolishga qaror qilishgan. Zarur bo'lgan davolash muolajalari aynan shu erning o'zida tibbiy shtab nazorati ostida amalga oshirilajakligi maqul ko'rildi.

Bu avvalambor ruhan quvvatlov, chunki yil oxirigacha Ivan Nagaev safga qaytadigan bo'lsa, BAAdagi Osiyo kubogida muhim figuralardan biriga aylanishi mumkin. Ikkinchidan esa, Nagaev qita chempionatidan qolib ketgan taqdirda ham xotirjam davolanib olishi uchun yaxshigina zamin yaratilgan bo'ladi.

Hujumchimizga Yaratgandan shifo tilab qolamiz, - deb yozilgan O'FAning telegramdagi rasmiy kanalida.