“Istiqlol” Nukusga bormadi. Nega?

Olingan malumotlarga ko'ra, bugun “Orol” - “Istiqlol” bahsi o'tkazilmaydigan bo'ldi.

CHunki mehmon jamoa Nukusga bormagan. Bunga nima sabab? “Istiqlol” bosh murabbiyi Kamol Jo'nashev vaziyatga oydinlik kiritib o'tdi.

– “Orol”ga qarshi o'yinimiz boshqa muddatga qoldirildi. Bu borada PFLga yozma ravishda murojaat qilganmiz. Nukusga bormaganimizning sababi shuki, o'tgan turda “Xorazm” bilan o'yindan so'ng tarkibda jarohat olgan o'yinchilar soni ko'payib ketdi. Uchrashuvdan so'ng Toshkentga qaytganmiz. Navbatdagi turni o'tkazib kelish maqsadida Nukusga samolyot yoki poezd uchun chipta olishni rejalashtirganmiz. Biroq biz borishimiz kerak bo'lgan kunga chipta yo'q ekan kassada. Engil avtomashinada borishni maqul topmadik. 12 soat yo'l bosib keyin o'yinga toliqqan holatda borish bir qator qiyinchiliklarni keltirib chiqaradi. SHuning uchun ham bu o'yinni keyinroqqa qoldirib berishlarini so'radik. Hozircha bahs qaysi muddatga qoldirilganini aniq bilmayman – deydi Jo'nashev.