Islom To'xtaxo'jaev: Bir jamoa bo'lib maqsadimiz sari intilyapmiz

Mashg'ulotlarda asosan nimalarga etibor berilayotganini bilish maqsadida jamoamizning ishonchli, kuchli va istedodli himoyachisi Islom To'xtaxo'jaevni suhbatga tortdik.

- Islom, mana 9 kundirki jamoa Abu Dabi shahrida mashg'ulotlarni davom ettirmoqda. Murabbiylar shtabi asosan ushbu tayyorgarlik davomida nimaga etibor berishmoqda?
- Dastlabki kunlarda biz jismoniy tayyorgarlikka etibor qaratdik. Ayni damda esa murabbiylarimiz bizga maydonda o'z o'yinimizni tashkil etish borasida saboq berishmoqda. Xar hil taktik sxemalar ustida ishlayapmiz. Mashg'ulotlarimiz kuniga ikki martadan davom etmoqda.

- Birlashgan Arab Amirliklariga kelib 12 yanvar kuni Qozog'istonning Qayrat klubiga qarshi o'ynadinglar. Ushbu o'yin haqida ikki og'iz so'zlab bersangiz.
- Qayrat klubida jismonan kuchli futbolchilar o'ynar ekan. Bizda olma-otaliklar darvozasini ishg'ol etish uchun ko'p vaziyatlar bo'ldi. Biz ushbu vaziyatlarni bittasidan foydalandik. Mavsum hali boshlanmagan va bu oddiy holat. Hali oldinda Pekin Goan, SHaxtyor kabi kuchli jamoalarga qarshi uchrashuvlarimiz bor.

- Jamoada ayni damda O'zbekistonning kuchli futbolchilari jam bo'lishgan. Tarkibga yangi kelib qo'shilgan futbolchilar va klubda vujudga kelgan kuchli raqobatni qanday baholaysiz?
- Tarkibga jalb etilgan barcha futbolchilar o'z chiziqlarida haqiqatdan ham kuchli futbolchilar. Ular bilan terma jamoada birga o'ynaganmiz. Bir birimizni tushunishda hech qanday qiyinchilik bo'layotgani yo'q. Legionerlarimiz ham kuchli futbolchilar. Bir jamoa bo'lib maqsadimiz yo'lida harakat qilyapmiz. Raqobat albatta hech qachon ziyon keltirmagan. Bu futbolchiga yanada masuliyat yuklaydi va o'z ustida yanayam kuchliroq ishlashga undaydi.