Islom Toshpo'latov: “Ko'proq o'yin amaliyotiga ega bo'lganimdan xursandman”

Jamoa so'nggi turlarga qadar elitada qolish uchun kurashdi. Bu mavsumda ko'plab yosh futbolchilar to'p tepishdi. Jumladan, Islom Toshpo'latov ham asosiy tarkibda muntazam ravishda o'ynab keldi. SHartnomasi yakuniga etayotgan futbolchi kelgusida faoliyatini qaysi jamoada davom ettiradi? Buni suhbat davomida bilib olishingiz mumkin.

- Yakunlangan mavsumdan olgan taassurotlaringiz bilan o'rtoqlashsangiz?

- Bu yilgi mavsum juda qiziqarli kechdi. CHunki sovrinli o'rinlar uchun ham kurash qizg'in bo'ldi. Qolaversa, elitada qolish uchun ham bir nechta jamoalar so'nggi turlarga qadar kurash olib bordi.  “Surxon” ham o'z oldiga Superligada qolish vazifasini qo'ygandi. Bunga erishish uchun oxirigacha kurashdik va yakunda 10-o'rinni egalladik. Bir so'z bilan aytganda, mavsumdan qoniqish hosil qildim. 

- Futbolchi sifatida o'ziz uchun nimaga erishdingiz?

- Birinchi navbatda o'yin amaliyotiga ega bo'ldim. Bu esa yanada o'sishimga sabab bo'ladi. Superligada qancha ko'p o'ynasak, tajriba olamiz va bu kelgusi mavsumlarda oson kechadi. 

- “Surxon” bilan shartnomangiz qachon yakunlanadi?

- SHartnomam muddati shu oyning 31 dekabrga qadar tuzilgan

- Deylik, “Surxon” shartnoma muddatini uzaytirishni taklif qilsa, buni qabul qilasizmi?

- Bilasizmi, “Surxon”dan taklif bor. SHartnoma tugaganidan so'ng bir qarorga kelamiz.