Islom Qobilov: "Keyingi o'yinlarda g'alaba qozonib, guruhdan chiqishga erishamiz"
09 jan 2020 18:38
Yangiliklar
![](https://championat.asia/upload/storage/538623_original.jpg)
![](/upload/storage/538623_220.jpg)
Islom Qobilov: "Keyingi o'yinlarda g'alaba qozonib, guruhdan chiqishga erishamiz"
"Har doim birinchi o'yin hayajonli bo'ladi va raqiblar bir-birini o'rganishga harakat qilishadi. Dastlabki 15-20 daqiqadan so'ng o'z o'yinimizni ko'rsatishni boshladik. Birinchi taym oxirlarida penaltidan gol urishga erishdik.
Ikkinchi taymda boshida biroz xotirjamlikka berilib gol o'tkazib yubordik. Hisob tenglashganidan so'ng g'alabaga harakat qildik. Eron baribir Osiyoning etakchi jamoalaridan biri. Keyingi o'yinlarda g'alaba qozonib guruhdan chiqishga erishamiz.
Raqib bizni yaxshi o'rganib chiqishgani ko'rindi. Bizda ham, ularda ham kamchiliklar bor. Hozir xatolar haqida biror narsa deyish qiyin, videoni tomosha qilib, tahlil qilamiz.
Tanaffus vaqtida bosh murabbiy birinchi taym boshidagidek harakat qilmasligimizni, to'p bilan yaxshiroq harakat qilishimizni aytdi.
Esingizda bo'lsa, ikki yil oldin Xitoydagi Osiyo chempionatining ilk turida Qatarga yutqazib qo'ygan edik va yakunda chempion bo'lgandik. Bugun yutqazmadik. Keyingi o'yinlarda yanada yaxshiroq o'ynashimiz lozim, - deydi Islom Qobilov.
Akramjon Mamadaliev Songxla shahridan championat.asia sayti uchun maxsus
O’xshash yangiliklar
![AMP Logo](https://championat.asia/image/logo-amp.png)
Fikrlar