Islom Ismoilov: "Saudiya Arabistoni bilan o'yinda ikki xil taktikani sinovdan o'tkazdik"
31 jan 15:23
Yangiliklar


Islom Ismoilov: "Saudiya Arabistoni bilan o'yinda ikki xil taktikani sinovdan o'tkazdik"
Mamlakatning mazkur yosh toifasidagi jamoasiga qarshi o'rtoqlik uchrashuvlaridan so'ng terma jamoa ustozi Islom Ismoilov fikrlarini bildirdi.
"Saudiya Arabistoni bilan uchrashuvga keladigan bo'lsak, maqsadimiz ikki xil bo'limda ikkita taktikani sinovdan o'tkazish edi. Birinchi bo'limda yuqoriga ko'tarilib, raqibga tinimsiz bosim o'tkazish, ikkinchi bo'limda raqibni ikkinchi xududda kutib olish va qarshi hujumlarda o'ynash vazifasi yuklatilgandi. O'ylagan narsalarimiz amalga oshdi, umuman olganda Saudiya Arabistonidagi yig'inimiz yomon o'tmadi. Futbolchilar o'zlariga berilgan vazifani to'liq bajarishdi. Saudiya Arabistoni guruhimizdagi asosiy raqibimiz bo'lgani uchun to'liq imkoniyatlarimizni ocha olmas edik. SHu bois ikki uchrashuvda turli taktikalardan foydalandik.
Osiyo kubogiga kam vaqt qolmoqda. Oldinda Turkiyada, keyin Belarus davlatidagi musobaqalarda qatnashamiz. O'FA tomonidan bizga barcha sharoitlar yaratib bermoqda. Buning uchun terma jamoalar markaziga minnatdorchilik bildirib qolaman. Asosiy maqsadimiz Osiyo kubogida Jahon chempionatiga yo'llanma olish va munosib ishtirok etish",- deydi Islom Ismoilov.
O’xshash yangiliklar

Fikrlar