Islom Ahmedov: “Yigitlar harakat qilishdi, lekin...”

- Bugungi uchrashuvda g'alabani saqlab qolishimiz uchun etibor etishmadi. Futbolda qanday holat bo'lishidan qatiy nazar oxirigacha o'ynash kerak. Futbolchilarimiz o'yin oxirlarida himoyaga yotib olishdi. SHu bilan birgalikda, ikki nafar himoyachimizni jarohat olib mudatidan oldin safdan chiqqani ham o'z tasirini o'tkazdi deb o'ylayman.

- So'nggi soniyalarda “Navbahor” darvozasiga belgilangan penalti xususida nima deya olasiz?
- Uchrashuvni nazoratchisi bor. Bundan tashqari o'yin komissari ham bahsni kuzatdi. SHu sababli, hakamlarning harakatiga ularni baho berishgani maqul. O'zimni fikrim haqida to'htaladigan bo'lsam, hakam o'yin nazoratini qo'lidan chiqarib yubordi. Bir qator vaziyatlarda nazoratni ko'zdan qochirdi. Bir nechta vaziyatlarda jarohatlar kuzatildi. Oliy liga klublari o'rtasidagi uchrashuvlarni yaxshi saviyaga ega bo'lgan hakamlar boshqarishsa yaxshi bo'lardi. Bir so'z bilan aytganda hakamning saviyasi o'yinga mos tushmadi. Uchrashuv esa chiroyli ruhda o'tdi. Hakam esa vaziyatlarni to'g'ri tushunib, munosib qaror chiqara olmadi.

- Raqib namoyish etgan o'yin xususida nima deya olasiz?
- “Metallurg” jamoasini kuchli jamoa ekanligi ko'zga tashlandi. Yani mehmonlar kutganimizdek o'yin ko'rsatishdi. Lekin, jamoamiz ham bugun yomon o'yin namoyish etgani yo'q. Yani futbolchilarimiz birinchi uchrashuvga qaraganda faolroq bo'lishdi. Yigitlar munosib tarzda to'p surishga intilishdi. Oldingidek uzun paslar kuzatilmadi. SHu bilan birgalikda hujumlar ham ko'proq tashkil etildi. Umuman olganda futbolchilarimizning ko'rsatgan o'yinlaridan qonihish hosil qildim. Ammo, natija borasida afsuski bunday deya olmayman. Oxirgi daqiqalarda to'p o'tkazib yuborib, g'alabani qo'ldan boy berish juda alam qilar ekan.