Iroqlik jurnalist: "Ravshan Ermatov yaxshi hakam, bunga shubha yo'q"

Eslatib o'tamiz, Eron - Iroq uchrashuvini Ravshan Ermatov brigadasi boshqaradi.

"Ertangi o'yin juda qiyin bo'ladi, chunki Eron terma jamoasi Osiyoning eng yaxshilaridan biri hisoblanadi. Ammo iroqliklar ushbu bahsga tayyor.

Bu uchrashuvni Ravshan Ermatov boshqaradi. U yaxshi hakam, bunga shubha yo'q. Ammo Eronga qarshi bo'ladigan bahsda hammasi o'zimizga bog'liq bo'ladi. Qanday o'yin ko'rsatsak shunga yarasha natija bo'ladi. Iroq va Eron azaliy raqib ekanligini yaxshi bilasiz. Muxlislar terma jamoadan faqat g'alabani talab qiladi. Bu o'yinda eronliklarni taslim qilish biz uchun juda muhim.

Iroq bosh murabbiyi Srechko Katanec haqida mahalliy jurnalistlarning fikri ijobiy. Mutaxassisga vaqt kerak. U yaqinda terma jamoaga keldi. Katanec biz Osiyo Kubogida chempion bo'lamiz degani yo'q, u ko'proq jamoaning o'yini kuchaytirish, musobaqada yaxshi ishtirok etish haqida o'ylayapti" - deydi Maher Hassan Suvaed.

Narzulla Saydullaev suhbatlashdi