Iroq OTJ etakchisi: "O'zbekiston kuchli terma jamoa ekanligiga shubha qilmaymiz, ammo pley-off haqida o'ylashga hali erta"

- Ali bugungi g'alaba bilan tabriklaymiz. Iroq terma jamoasi dastlabki turda kutilmaganda Tailand terma jamoasiga mag'lub bo'ldi. Endi esa Iroq terma jamoasi katta ehtimol bilan o'z guruhida ikkinchi o'rinni egallaydi. Guruhda ikkinchi o'rinni egallagan jamoa "D" guruhining g'olibi bilan pley-offda to'qnash keladi. Katta ehtimol bilan O'zbekiston "D" guruhi g'olibi bo'ladi. Demak, chorak finalda Iroq-O'zbekiston bahsining guvohi bo'lishimizning ehtimoli katta. O'zbekiston terma jamoasi haqida nimalar deya olasiz?

- Bugun yaxshi o'yin o'tkazdik va g'alaba qozondik. Pley-off haqida o'ylashga erta deb o'ylayman. Saudiya Arabistoniga qarshi o'yinimiz bor. Saudiyaga qarshi bor kuchimizni ishga solamiz. O'zbekiston haqida gapiradigan bo'lsam, ushbu terma jamoaning kuchiga hech kim shubha qilmaydi. O'tgan yili yoshlar o'rtasidagi Osiyo kubogi finali O'zbekiston terma jamoasiga qarshi o'ynagan edim.