Iordaniya bosh murabbiyi: “Biz Braziliyaga borishni xohlaymiz”

Mana shu o'yinlar arafasida Iordaniya termasi bosh murabbiyi Hossam Hassan FIFA rasmiy saytiga intervyu berdi. Quyida misrlik murabbiyning intervyusidan bazi fikrlarini keltirib o'tamiz.

“O'z maydonimizda to'p surganimizda oxirigacha kurashamiz, qolaversa, muxlislar ham zo'r qo'llab turishadi. Birinchi o'yinni o'tkazib bo'lgach, ertasi kuniyoq Toshkentga uchamiz. CHunki atigi to'rt kun o'tib javob bahsida maydonga tushamiz. Agar birinchi o'yinda kerakli natijaga erisha olsak, javob bahsida ortiqcha bosimdan holi bo'lamiz. Biz hujum tashkil qilayotganda xatoga yo'l qo'yishni xohlamaymiz. Ayni paytda meni jamoamning holati to'liq qoniqtiryapti. SHunday ekan, o'z uyimizda bo'lib o'tadigan uchrashuvdan umidim nihoyatda katta. O'zbekiston termasini kuzatib bormoqdamiz va ularning kuchli-kuchsiz tomonlarini bilamiz. Umuman olganda, o'zbeklar o'yinni tezlik va jismoniy tayyorgarlik evaziga tashkil qilishadi. Jahon chempionatida to'p surish har bir ftubolchining orzusi. SHogirdlarim bilan suhbatlashganda ularga JCHda ishtirok etish nimaligini kengroq tushuntirishga harakat qilyapman. Axir biz ham Braziliyaga borishni xohlaymiz” – deydi Iordaniya termasi ustozi.
 

Xayrulla Xoliqov tayyorladi