So’nggi yangiliklar

00:35Роналдунинг либосини кийган таниқли блогер Мессига алоқадор ресторандан ҳайдаб юборилди  0 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  2 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  19 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1

Intervyu. Obid Jo'raboev: "Buxoroda futbol bor, bizdan keyin ham bo'ladi" Yangiliklar

Intervyu. Obid Jo'raboev: "Buxoroda futbol bor, bizdan keyin ham bo'ladi"

Kechadan etiboran "Buxoro" stadioniga katta futbol qaytdi.

 Muhtasham arena 2 yildan so'ng yana uchrashuvlarni qabul qila boshladi. Hakim Fuzaylov shogirdlari kecha qaytishni o'zgacha g'alaba bilan nishonlashdi desak, mubolag'a bo'lmaydi. "Xorazm"ga qarshi kechgan o'yinda 3:2 hisobi qayd etildi. O'yindagi gollardan biriga esa "Buxoro"ning tajribali futbolchisi Obid Jo'raboev mualliflik qildi. Uchrashuvdan so'ng Obid Jo'raboevni suhbatga chorladik. 

- Kechagi raqib tarkib jihatdan kuchsiz bo'lsada, o'yin tomonlama ko'p jamoalarga bosh og'riq bo'lmoqda. O'z maydonida "Andijon"ni mag'lub etishni uddasidan chiqqandi. Har bir o'yinda oxirigacha kurash taklif qilmoqda. "Buxoro" jamoasi uchun mazkur bahs qanday o'tdi?

- Nihoyat o'z maydonimizda o'yin o'tkazdik. Albatta bayramona ruh kezib yurdi. Natijadan ham malumki, o'yin oson o'tgani yo'q.  Vaziyatlarni golga aylantirganimiz foyda keltirdi. "Xorazm" ancha yosh va shijoatli jamoaga aylangan. Xatolardan foydalanib ketishadi. Maydon juda yaxshi holatda ekanligiga guvoh bo'ldik. Nima bo'lgan taqdirda ham muxlislarga g'alaba tortiq qilishimiz talab qilinardi. Mazkur o'yingohda yana chiroyli g'alabalar bilan ularni xursand qilmoqchimiz. 

- Jamoaning asosiy quroli standart vaziyat bo'ldi. Mazkur ko'rsatma raqibdan kelib chiqib berilganmidi yoki bu sekin-asta jamoaning uslubiga aylanib boryaptimi?

- To'g'ri aytdingiz. Standartlardan samara chiqara oldik. "Xorazm"ni o'rganganimizda ularning himoyasi standart vaziyatlarda ko'p xato qilayotganini payqadik. Mashg'ulotlarda, nazariy suhbatlarda bu borada gaplashdik. Avvalgi o'yinlarda ham burchak, jarima zarbalari orqali gol urganmiz.  

-  SHavkat Salomovning uzatmasini golga aylantirdingiz. Qizig'i "Dinamo"da ham aynan qanotlardan, jarima to'plaridan berilgan paslardan so'ng raqib darvozasini ishg'ol qilgansiz...

- SHavkat Salomov jamoamiz etakchisi va o'yinni boshqaruvchisi. Unda boy tajriba bor. Himoyachi o'yin davomidagi xavfli vaziyatlarda to'g'ri poziciya tanlay olishi kerak. Hakim Qayumovich doim mashg'ulotlarda aytib keladilar. Gohida o'zim ham gol urishimni sezaman. Kecha maydonga chiqishdan avval to'p kiritishni niyat qilgandim. 

- Obid Jo'raboev ikkinchi yoshligini o'tkazyaptimi?

- To'g'risini aytsam futbolchilik faoliyatimni bugun boshlagandek his qilmoqdaman. Yosh futbolchilarning oldida o'rnak bo'lib ikki hissa kuch bilan harakat qilishim kerak. 

- Buxoroga futbol qaytdi desak bo'ladimi yoki bunday xulosaga ertami?

- Buxoroda futbol oldindan bor, bizdan keyin ham bo'ladi. Maqsadimiz jamoani Superligaga qaytarish. 

- Keyingi turni "Aral Samali"ga qarshi o'tkazasizlar. Ular esa suniy maydonda to'p tepadi...

- Suniy maydonda barchaga qiyin. Qanday maydon bo'lishidan qatiy nazar g'alaba uchun o'ynaymiz. 

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика