Inesta bilan xayrlashuv ko'rsatuvi bo'lib o'tdi (FOTO)

Ko'rsatuvda Kataloniya klubining barcha futbolchilari ishtirok etdi. Bu xayrlashuv efiriga jamoaning sobiq futbolchilari ham tashrif buyurdi.

Klub prezidenti Xosep Mariya Bartomeu Inestaga maxsus esdalik sovg'asini topshirdi.

"Bu jamoa sardori bo'lish juda yoqimli. Sizlarni va klubni sog'inaman... "Barselona" men uchun dunyodagi eng yaxshi jamoa.

Hayotimni o'zgartirgan ayolimga ham minnatdorchilik bildiraman. Barchangizdan minnatdorman. Olg'a "Barsa" - deydi Inesta.

"Barselona" sobiq yarim himoyachisi, ayni damda "Al-Sadd" sharafini himoya qilayotgan Xavi Inesta bilan xayrlashish chog'ida yig'lab yubordi.

Serxio Buskets: "Inesta bilan sodir bo'lgan eng ajoyib voqea? Andresning "Stemford Brij"dagi zarbasi. O'sha gol hammasini boshlab bergan"

Xavi: "Uni ilk marta ko'rganimda Inesta 16 yoshda edi. Andres hammasini to'g'ri bajarar edi. Bazida u o'rganadigan narsa qolmagan deb o'ylab qolar edim. Iestani futbolchi va inson sifatida namuna qilib ko'rsatsa bo'ladi".

Saumel Eto'O: "Klubga kelganimda Ronaldino "Barselona" yuzi edi. Jamoadagi ilk kunlarimda mendan eng yaxshi taassurot qoldirgan futbolchi kimligini so'rashdi. Bunga javob berish qiyin edi, ammo o'shanda Inestani ko'rsatganman".