Indzagi: "Inter" vaziyatlardan samaraliroq foydalanishi kerak. Afsuski, kerak paytda o'yinni "o'ldira" olmadik

"Biz yaratayotgan vaziyatlarimizdan unumliroq foydalanishimiz kerak. To'g'risini aytaman, Mxitaryan va Tyuram o'ta qulay imkoniyatlarni ko'kka sovurgan bo'lsa ham, jamoani ajoyib birinchi bo'lim uchun tabrikladim. O'ylashimcha, o'sha vaziyatlardan hech bo'lmasa bittasida gol urib olganimizda, o'yin biz uchun ancha oson kechardi.

Tanaffusdan keyin "Veneciya" o'zgarishlarni amalga oshirdi va bizdan faolroq harakat qilib, vaziyatlar yarata boshladi. SHunday bo'lsa ham birinchi golni biz urdik, afsus, undan keyin o'yinni "o'ldira" olmadik – natija aniq bo'lmagan bu kabi holatlarda vaziyat juda tez o'zgarib ketishi mumkin", – dedi "Inter" ustozi.