So’nggi yangiliklar

21:18Моуриньюга "Манчестер Сити" ҳимоячиси керак  0 21:10Суперлига. "Бухоро" - "Шўртан" 2:1 (Матнли трансляция)  3 20:56"Бунёдкор" суперкамбэк эвазига "Сўғдиёна"ни мағлуб этди  13 20:35Осиё Кубоги саралаши. Ўзбекистон - Шри-Ланка (LIVE)  0 20:20Абраҳам "Рома"га қайтди  1 20:10Клублар ўртасидаги ЖЧ. ПСЖ - "Интер Майами" учрашувининг асосий таркиблари маълум!  26 19:27Юрген Клопп: "Ғалати эшитилиши мумкин, энди мураббийлик қилишни истамайман"  2 18:49"Челси" янги стадион қурмоқчи  1 18:27Суперлига. "Бунёдкор" - "Сўғдиёна" баҳси асосий таркиблари маълум!  1 17:59"Барселона" де Йонг билан келишиб олди  0 17:21Дезире Дуэ "Интер Майами"га қарши ўйин олдидан: "Бу турнирда фақатгина энг кучлилар ўйнайди. Хато қилишга ҳаққимиз йўқ"  6 16:57"Челси" келаси ҳафтада янги трансферни эълон қилиши кутилмоқда  3 16:20"Шўртан" бугун 10 йиллик "қора анъана"га чек қўядими?  2 15:58ПСВ "Манчестер Юнайтед" футболчисини сотиб олмайдиган бўлди  1 15:21Дел Пьеро клублар ўртасидаги жаҳон чемпионатида ким ғолиб бўлишини тахмин қилди  8

Ikki asr daftari. Taniqli murabbiy Ahmad Ubaydullaev 70 yoshga to'ldi Yangiliklar

Ikki asr daftari. Taniqli murabbiy Ahmad Ubaydullaev 70 yoshga to'ldi

Teglar :  Ahmad Ubaydullaev
Bugun o'zbek futboliga ko'plab futbolchilarni etkazib bergan, tarix zarvaraqlarida o'ziga hos yangi sahifa ochgan murabbiy Ahmad Ubaydullaevning tavallud kuni.

Futbolchilik faoliyatida "Paxtakor"ning oltin avlodi bilan birga to'p tepgan murabbiy jarohat sabab butsalarini erta mixga ilishga majbur bo'ladi. Keyingi davrda ustozlik sir-asrorlarini o'rgangan Ahmad Ubaydullaev 1980 yillar oxirlari 1990 yillar boshida "Umid" jamoasida ishga kirishadi. Birodar Abduraimov bilan birga bu jamoada ko'plab futbolchilarni jamlashgan, deylik Murod Aliev, Ruslan Ahmedxonov, Alisher Bazarov kabilar edi. Keyinchalik "Paxtakor" jamoasida murabbiy, bosh murabbiy sifatida faoliyat olib bordi. Ahmad Ubaydullaevning murabbiy sifatidagi katta yutug'i shubhasiz 2008 yilgi U-20 Osiyo kubogiga to'g'ri keladi. Bunga qadar "CHig'atoy" futbol maktabida bir qancha yoshlarni tarbiyalagan mutaxassis yoshlar terma jamoasida ham ko'zga ko'rinarli natijaga erishdi, uning shogirdlari Saudiya Arabistoni mezbonlik qilgan qita musobaqasida finalgacha etib kelgan holda 2009 yilgi kichik mundial yo'llanmasini qo'lga kiritgandi. 

"Tarkibning o'zagi CHig'atoy futbol maktabining tarbiyalanuvchilaridan iborat edi. Ahmad aka barchamizni bolaligimizdan bilardi. Sababi uning qo'l ostida kichikinaligimizdan boshlab shug'ullanganmiz. Adashmasam sakkiz yoki to'qqiz yil davomida CHig'atoydagi bazada tayyorgarlik ko'rdik. Viloyatdan qo'shilgan ayrim yigitlar bilan ajoyib jamoa shakllangandi",- deya eslaydi uning shogirdlaridan biri Sunnatilla Mamadaliev.

"Ahmad aka Toshkentga olib kelganlarida 12 yoshda edim. Boshida juda qiynalganman. Katta akam Ibratdan har kuni uyga ketkazib yuborishini so'rardim. To'g'risi Toshkent shevasida gapirishni bilmasdim. Ko'p bollar ustimdan kulardi. Keyinchalik bunga ko'nikdim. O'sha paytda bolalikdan birga katta bo'lgan bollardan Ivan Nagaev, Sunnatilla Mamadaliev bilan hamon qadrdon do'stmiz. Ahmad akaga katta rahmat aytaman. U inson bizni nafaqat futbolchi sifatida, balki, hayotda har qanday vaziyatda erkak bo'lib gapiga javob beradigan, lavzida tura oladigan inson bo'lishimizni o'rgatganlar. Umrlari uzoq bo'lsin",- deydi murabbiyning qo'l ostida tarbiyalangan Sanat SHixov.

Darhaqiqat, Ahmad Ubaydullaev tarbiyalagan ko'p futbolchilar keyinchalik katta futbolda o'rnini yo'qotib qo'ymadi. Bu eng asosiy omil hisoblanadi. Qaysidir manoda ikki asr daftariga qiyoslash mumkin. Bu yo'lda murabbiyga omadlar tilab qolamiz. 

O'FA majlislar zalida ularning qadrdon do'stlari, shogirdlari, futbolimiz faxriylari 70 yillik yubiley munosabati bilan jamlanishdi. OKMK, "Bunyodkor", "Paxtakor" klublari rahbarlari o'z esdalik sovg'alarini topshirdi. 

"Ahmad akani yoshligimizdan yaxshi bilamiz. O'zbek futbolining metin himoyachisi sifatida bilar edik. Ular biz uchun har doim o'rnak bo'lib kelishgan. Murabbiylik faoliyatlarida ham ko'p narsa o'rganganmiz. Bu erda yig'ilgan barcha faxriylarning o'z o'rni bor, xuddi shunday Ahmad akaning ham. Yoshlar bilan ishlash metodikalarini tadbiq etganlar. Jahon chempionatlariga olib chiqish, jamoani qanday shakllantirish yo'llarini o'rganganmiz. SHu orqali biz ham amaliyotda qo'llaganmiz. Ularni muborak yoshlari bilan tabriklaymiz",- deydi Ravshan Haydarov. 

"Ahmadjon haqida gapirsak gap ko'p. U o'zbek futboliga katta hissa qo'shgan inson. Jahon chemionatlarida o'z shogirdlari bilan ishtirok etgan. Ahmadjon hali o'z tajribalarini yoshlarga o'rgatishda davom etadi",- deydi Ahrol Inoyatov.  

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика