Igor SHkvirin: "Qizilqum" g'alaba uchun jon-jahdi bilan kurashga kirishganligi yakunda bilinib qoldi"

Igor SHkvirin, "Olmaliq" jamoasi bosh murabbiyi:
- Jamoamiz oldiga chempionatning kuchli beshligidan joy olish vazifasi qo'yilgandi. Buni uddalaganimizdan so'ng, bugun yigitlarimiz biroz xotirjamlikka berilishdi. Qolaversa, tarkibda bir qator yoshlarga ishonch bildirganligimiz ham bugungi mag'lubiyatimizga sabab bo'ldi. "Qizilqum" har qanday vaziyatda bugun g'alaba uchun jon-jahdi bilan kurashga kirishganligi yakunda bilinib qoldi. Asosiysi, stadionga yig'ilgan muxlislar shiddatli va hujumkor o'yin shohidi bo'ldilar. Odatda, bunaqa uchrashuvlarda xatoning katta-kichigi bo'lmaydi. Himoyada yo'l qo'yilgan xatolar uchrashuv natijasiga salbiy tasir qildi.