Igor SHkvirin: Hech bir jamoa bir maromda o'ynay olmaydi

- Avvalam bor jizzaxliklarni g'alaba bilan tabriklayman. Lekin biz bugun mag'lubiyatga uchraydigan o'yin namoyish qilmagandik. To'pni ko'proq o'z nazoratimizda ushlab turdik. Bir qator golga tortadigan imkoniyatlardan foydalana olmadik. Ikkinchi bo'limda qilgan majburiy ikki futbolchini maydonga tushirishimiz, bizni o'yinimizni biroz kuchsizlantirdi. Bugun bir qator asosiy tarkib futbolchilarimiz jarohatlar va bemorliklari sabab o'yinda qatnasha olishmadi. So'g'diyonani oliy ligada qolish imkoniyatlari haqida hech narsa deya olmayman. Jamoani o'zi o'z taqdirini hal qiladi. Bugungi o'yingacha ko'pchilikda har hil gaplar yurgandi. Olmaliq yutsa ham yutkazsa ham hech narsa yo'qotmaydi, qolgan o'yinlarni yutkazib bersa kerak - degan gaplar ko'payib ketgani uchun ham g'alaba qozonishimiz shart edi. Futbolchilarimiz bor kuchlari bilan harakat qilishdi. Oldimizga OCHL yo'llanmasini qo'lga kiritish vazifasi qo'yilgan edi. Biroq bu futbol. Hech bir jamoa bir maromda o'ynay olmaydi.