Igor SHkvirin: "Bugun Mashal"da 13 kishi o'ynagandek tuyuldi"

Birinchi bo'lib matbuot anjumanida mehmonlar bosh murabbiyi Igor Anatolevich ishtirok etdi va fikrlarini bildirib o'tdi.

"Mashal"ni bugungi g'alaba bilan tabriklayman. Maydonni har bir qarichi uchun keskin kurash kechdi. Juda ham qiziqarli bahsni ko'rdik.  Yana bir bor "Mashal"ni adolatli yutuq bilan tabriklayman" , - deydi SHkvirin.

"Biz bugungi mag'lubiyatni jiddiy muhokama qilamiz. Biz bugun maydon markazini raqibga berib qo'ydik. Bu esa bizni birinchi mag'lubiyatga olib keldi. Har ikki bo'limda ham raqib bizdan ustunroq o'ynadi. Biz kurashdik lekin maydonning har bir chizig'ida "Mashal" futbolchilari bexato o'ynadi. Raqibimiz shunday kuch bilan o'ynadiki , xuddi menga 13 kishi o'ynayotgandek tuyuldi. Raqibni o'yini chiroyli chiqdi".

"Biz Muborakka ochko ishlash uchun kelgan edik. Bugun faqat Gogol maydonga tushmadi lekin uning bitta o'zi ham hech narsa qila olmas edi. Nemaniya jarohat oldi shu bois zaxiraga chiqdi. Bizni jamoa simulyaciya qilmaydi. Bugungi o'yinda Murzoevni oldingi chiziqqa qo'ydik. Uning o'ziga bu joy yoqadi va  o'zi  "Nasaf"da ham shu chiziqda o'ynagan. Yovanovich jarohat olgandan so'ng yaqqol hujumchi bo'lib o'ynadi"

"Hamma o'yindan so'ng bizni vazifamizni so'raydi. Biz to'rtlikka kirishni istaymiz va OCHLda o'ynamoqchimiz. Bunaqa o'yin bilan biz OCHLga chiqa olmaymiz. Hali to'rtinchi tur o'tdi va oldinda hali ko'plab o'yinlar bor".