Idgay Tazetdinov xotira turniri yakunlandi

"Paxtakor"ning sobiq futbolchisi va murabbiyi xotirasini yod etib bo'lib o'tgan musobaqada 2003 yilda tug'ilgan futbolchilardan iborat 6 jamoa ishtirok etdi.

Toshkent shahri, Buxoro va Olmaliqdan tashrif buyurgan jamoalar 28 mart kuni g'olibni aniqlab berishdi. Turnirda jamoalar quyidagi pog'onalarni band etishdi.

1-o'rin: Buxoro BO'SM (eng yaxshi o'yinchi Jonibek Xurramov),
2-o'rin: Toshkent BSMI (Sardor G'aniev),
3-o'rin: 1-BO'SM (Abdulaziz Mirjamolov),
4-o'rin: AGMK (Islom Umirboev),
5-o'rin: JFL Toshkent (Azamat Abdurashidov),
6-o'rin: "Megasport".

Musobaqa yopilish marosimida O'FF faxriylar kengashi raisi Narimon Jalolov, Idgay Tazetdinovning bevasi, "Paxtakor" faxriylari kengashi raisi Alla Tazetdinova so'zga chiqishdi. U Rossiyaning Kemerovo shahrida ro'y bergan fojia munosabati bilan bir daqiqa sukut saqlanishini elon qildi. Futbol faxriylaridan Evgeniy Valickiy, Vyacheslav Soloxo so'z olib, yosh o'yinchilarga Idgay Borisovich hayoti haqida malumot berib, ularga omad tilashdi.