"Hozir bizga o'xshagan hujumchilarni topish qiyin"

"Van Persi, Ueyn Runi, Benzema, Aguero... "To'qqizlik" o'zgarganmi? Mening davrim - Krishtianu Ronaldu va Leo Messi davridir va gollar soni bo'yicha men ularga yaqinman. Balki biroz orqada qolganman. Hozir futbol vaqt o'tishi bilan o'zgarib bormoqda. O'ylaymanki, hozir bizga o'xshagan hujumchilarni topish qiyin (toza "to'qqizlik").

Yangi avlod voyaga etmoqda. Ehtimol, bir necha yil kutishga to'g'ri kelar, chunki menimcha, akademiyalar va yosh futbolchilarga o'rgatiladigan narsalar o'zgarmoqda.

Bizning avlodimiz ko'chadan kelgan. Endi esa bu deyarli imkonsiz, chunki ota-onalar bolalarni mashg'ulotlarga olib kelishadi, olib ketishadi va uyga olib ketishadi, shuning uchun hammasi butunlay boshqacha.

Bu xuddi konveyer kabi, hamma bir-biriga juda o'xshaydi. O'ylaymanki, hujumchi poziciyada turish nuqtai nazaridan darvozabonga biroz o'xshaydi. Sen jamoa bilan o'ynaysan, lekin oxir-oqibat bu individual poziciya, tushunyapsizmi?

Vaqt o'tishi bilan futbol o'zgarib bormoqda. O'yinchilar ham o'zgarmoqda, ularning sifati, samaradorligi va o'yin uslubi ham o'zgarmoqda", - dedi "Barselona" va Polsha terma jamoasi hujumchisi.