Hasanov bilan Qobilov bugun "So'g'diyona" yig'iniga qo'shiladi

Bosh murabbiy Davron Fayziev yo'qotishlar o'rnini munosib nomzodlar bilan to'ldirish maqsadida ko'z ostiga olib qo'ygan o'yinchilarni o'z jamoasiga taklif etmoqda.

Xususan bugun "Guliston" etakchisi Rabbim Hasanov va birinchi liga ishtirokichisi "Spartak"dan Suhrob Qobilov jizzaxliklar ixtiyoriga etib kelishi aytilmoqda.

Hasanov (Fotoda 7 raqam) o'tgan yili "Guliston"ning haqiqiy etakchisi bo'la olgandi. Tabiiyki bu futbolchi "So'g'diyona" tarkibini kuchaytirish aniq.

Suhrob Qobilovga esa Jizzax jamoasi begona emas. Sababi futbolchi ilgari ham "So'g'diyona" sharafini himoya qilgandi.

Bu futbolchilardan tashqari yana bir nechtasi yig'inga kelib qo'shilishi kutilmoqda.