Hamza Karimov: “G'alabaga ishongan edik”

Aynan uning ikkinchi bo'lim boshida kiritgan goli “Nasaf”ga muhim uch ochko keltirdi. Futbolchining o'zi bu haqda quyidagilarni aytib o'tdi:

-Bu o'yinda g'alaba qozonishni astoydil istagan edik. Birinchi bo'limdan keyin yutqazib turib, echinish xonasiga yo'l olganimizda, bosh murabbiyimiz ko'nglimizni cho'ktirmasligimizni, bizga yuz foiz ishonishini aytdi. Ro'ziqul Sadullaevich tanaffusda “sizlarga ishonaman, g'olib chiqish qo'llaringdan keladi” deya bizni yanada ruhlantirdi.

SHu sabab ikkinchi bo'limda umuman boshqacha o'yin ko'rsatdik. O'ylaymanki, ikkkinchi bo'limdagi o'yinimiz muxlislarga yoqdi. Albatta raqibimizning ham kuchli jamoa ekanligini takidlab o'tish joiz. Ular ham darvozamiz oldida ko'plab xavfli vaziyatlarni yaratishdi. Jamoa tarkibida mahoratli futbolchilar etarlicha ekan. Gol urgan holatga kelsak, o'sha standart vaziyatda Arturga to'pni jarima maydonchasi markaziga etkazishini takidladim. To'p uzatilgach darvozabon to'pga yugurib kelayotganini ko'rdim va undan chaqqonroq harakat qilib, gol urishga erishdim. Maqsadimiz keyingi o'yinlarda ham muxlislarni xursand etish.

OCHL bahslarida oddiy jamoalar bo'lmaydi. Keyingi turda Saudiya Arabistonida “Al-Ahli” bilan kuch sinashamiz. Bu mamlakat jamoalari har doim kuchli bo'lib kelgan. O'z vaqtida “Mashal”da safida bu mamlakat jamoalariga qarshi maydonga tushganman. Ularning imkoniyatlari bizga malum. Nasib etsa, o'z o'yinimizni ko'rsata olsak, safardan ham kerakli natijagaerisha olamiz, -deya fikrlarini bildirib o'tdi Hamza Karimov.