Hamidjon Aktamov: "Qizilqum" chempionlik uchun kurashadi"

"Hozirga kelib Andrey Derkach va Vyacheslav SHevchenko jamoamizni tark etdi. Jamoaga ulardan kuchliroq futbolchilarni olib kelamiz. Tarkibimizga Hamza Karimov va Erkin Boydullaev qo'shildi. 18 iyul kuni "Qo'qon-1912" bilan o'rtoqlik uchrashuvi o'tkazamiz. Nemanya Yovanovich va Vohid SHodiev masalasi hozircha 50-50.

Ikkinchi davrada maqsadimiz oshirilgan va biz chempionlik uchun kurashamiz. Hamma vaqt shuni istaganmiz. Axir futbol nima uchun o'ynaladi? SHunchaki vaqt o'tkazish uchun o'ynalmaydiku! Nimagadir erishishga harakat qilish kerak. 3 yoki 4-o'rin uchun kurashamiz deb ayta olmayman. Maqsad hamisha oliy bo'lishi lozim. Bu - futbol! Maydonda robotlar o'ynamaydi, futbolni insonlar o'ynashadi", - deydi Hamidjon Aktamov "Futbol Ekspress" gazetasiga bergan intervyusida.