So’nggi yangiliklar

14:17Ҳоланд изидан: "Манчестер Сити" норвегиялик вундеркинд билан шартнома имзолашга яқин  0 13:48СҚБ халқаро мусобақада ғолиб чиқди  0 13:19"Челси" КЖЧ учун қайдномасини эълон қилди  0 12:51Дунёнинг энг кучли футбол лигалари эълон қилинди. АПЛга қайси лига рақобатчи?  12 12:26Англия терма жамоаси тарихда илк бор Африка жамоасига мағлуб бўлди  3 12:02ЖЧ саралаш учинчи босқич якунлари. Тўртинчи босқич қачон бўлади?  22 11:36Доннарумма ПСЖни тарк этиши мумкин. Клуб янги шартнома бўйича келишувга эриша олмади  10 11:02“Бавария“ Испания МТЖ аъзосини сотиб олмоқчи  0 10:36“Бетис“ Антони бўйича МЮга таклиф билан чиқди  0 10:10“Бавария“ футболчиси фаолиятини “Ал Насср“да давом эттириши мумкин  0 09:45“Интер“нинг клублар ўртасидаги ЖЧга қайдномаси маълум  1 09:17Саудия Арабистонликлар яна бир топ мураббийни лигага олиб келишмоқчи  2 08:49“Ювентус“ мураббий борасида бир қарорга келди  1 08:20ПСЖ 2025/26 йилги мавсум учун уй либосини тақдим этди  0 07:52Трнет Александер-Арнольднинг “Реал“даги рақами маълум  5

Hafta iqtiboslari. Mashhurlardan eng sara fikrlar Yangiliklar

Hafta iqtiboslari. Mashhurlardan eng sara fikrlar

Saytimiz odatiga ko'ra o'tgan bir hafta ichida jahon va Evropa matbuotida yangragan mashhurlarning eng sara fikrlarini keltirib o'tamiz.

- "Men Iroqni tanlashim kerak edi. Futbol menga berilgan sovg'a va bu sovg'adan unumli foydalanishim kerak. Jamoamizning laqabi -  "Mesopotamiya sherlari". Biz Basradagi stadionda maydonga tushganimizda juda hayajonlandim. Jamoani iroqlik muxlislar ajoyib tarzda qo'llab turishdi. Men har doimgidan ham o'zimni baxtli his qildim". ("Orlando Siti" yarim himoyachisi Jastin Meram Iroq terma jamoasida to'p tepayotgani haqida)

- "Men atigi uchta gol urishim bilan muxlislar kelib dastxat so'ray boshlashdi. Ular meni sen eng zo'rsan deya etirof etishdi. Ammo Rafael Benistes oldimga kelib, bugun sen sakkiz marta to'pni yo'qotding degandi". (Fernando Torres "Liverpul"dagi xotiralar haqida)

- "Men har doim Messi notabiiy futbolchi ekanini aytganman. Unga o'xshashi biz yashab turgan dunyoda yo'q. Uning jahon chempionatiga Eronga urgan golini bir eslang-a. Odam bolasi bunaqa ish qila olmaydi. Mana nima uchun hamma Messini hurmat qiladi". (Karlush Keyrush Argentina terma jamoasi etakchisi Lionel Messi haqida)

- "Menda Belgiya terma jamoasi bilan rejalar bor. Lekin bir kun kelib "Arsenal"ni boshqarishim mumkinmi? Nega endi bo'lmasin? Ammo bunga hali vaqtli. Qolaversa, men Arsen Vengerni juda hurmat qilaman". (Belgiya terma jamoasi yordamchi murabbiyi Terri Anri kelajakdagi rejalari haqida)

- "Men terma jamoa oldida har doim qarzdorman. Oldimizda ikkita muhim o'rtoqlik uchrashuvi bor: Argentina va Angliyaga qarshi. Agar meni ham taklif etishsa, jon deb borishga tayyorman. Terma jamoa har doim men uchun birlamchi bo'lib qoladi". (Janluiji Buffon terma jamoadan chaqiruv kutayotgani haqida)

- "U g'alabalarga chanqoq. Raqibimiz "Uigan" bo'ladimi yoki "Arsenal"mi, Gvardiola bizni har bir bahsga bir xil tayyorlaydi. U futbolchilarga tushuntirish ishlarini juda yaxshi olib boradi. U bilan ishlash xuddi institutda 10 yil o'qishdek gap. Biz undan har kuni nimadir o'rganamiz". (Vensan Kompani jamoasi bosh murabbiyi Pep Gvardiola haqida)

- "Terma jamoadagi bosim albatta "Tottenxem"dagiga nisbatan katta. CHunki terma jamoaga borganimda mendan muxlislar yanada ko'prog'ini xohlashadi. Lekin men bosimdan qo'rqmayman, qaytanga yanada kuchli qiladi. Ammo g'alaba qozonish faqat mening qo'limda emas, buning uchun butun jamoa bo'lib harakat qilishimiz lozim". (Son Xyon Min terma jamoa va klub orasidagi farq haqida)

- "U bilan o'ynash juda maroqli edi. U haqiqiy xarakter egasi bo'lgan. U ko'p yugurmasdi, bunga hojat ham yo'q edi. O'sha yili 19ta gol urishimda uning ko'p yordami tekkandi. U maydonda ko'p gapirmasdi, lekin yaxshi o'ynardi. Keyin u ko'p chekardi: o'yindan oldin, tanaffusda va albatta o'yindan keyin. Qo'lida doim qizil Marlboro bo'lardi. Ammo juda kuchli futbolchi edi". (Peter Krauch sobiq jamoadoshi Robert Prosinechki haqida)

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика