Hafta iqtiboslari. Mashhurlardan eng sara fikrlar

- "Birorta sovringa davogar bo'lish meni yanada ko'proq ishlashga undaydi. Hozir har doimgidan ko'p bosimni his qilyapman. CHunki bunaqa paytda hamma senga boshqacha qaraydi. Qaysidir o'yinda gol urmasam, qarang, uning o'yinida pasayish bor deyishadi. Ammo men har bir uchrashuvda to'p kiritishim shart emas. Muhimi, jamoam g'alaba qozonsa va sheriklarimga yordam bersam bo'lgani". ("Liverpul" hujumchisi Muhammad Salah "Yilning eng yaxshi futbolchisi" bo'lishga davogarlik qilayotgani haqida)

- "Jahon chempionati yarim finaliga chiqish juda qiyin, lekin buni uddalasa bo'ladi. Bu biz uchun tush emas va amalda shunga harakat qilamiz". (Meksika bosh murabbiyi Xuan Karlos Osario matbuotga bergan intervyusida JCH-2018dagi maqsadlar haqida)

- "O'z paytida Arsen Vengerdek murabbiy qo'l ostida "Arsenal"da o'ynaganimdan baxtliman. Men bu jamoada to'qqiz yilni o'tkazdim va barcha mavsumlar ajoyib kechdi. Menda har doim "Arsenal"dan iliq xotiralar qoladi. Bu jamoani murabbiy sifatida boshqarishga tayyorman". (Franciya terma jamoasi sobiq yarim himoyachisi Patrik Vieyra "Arsenal"ni qabul qilib olishga tayyorligi haqida)

- "CHempionlar ligasi sovrinini sotib olishning iloji yo'q. Agar iloji bo'lganida biz har yili sotib olgan bo'lardik. Madrid jamoasi uchun bu musobaqada g'olib chiqish ko'p narsani anglatadi. Ammo g'olib bo'lish oson emas, buning uchun juda qattiq mehnat qilish kerak". ("Real Madrid" yarim himoyachisi Toni Kroos yana ECHLda g'olib chiqishni xohlayotgani haqida)

- "Ibragimovich terma jamoaga bormayman dedi. Men uning qarorini hurmat qilaman. Sen yo'q dedingmi, demak qaytib kelmaslik uchun shunday degan bo'lasan. Biz usiz ham jahon chempionatida o'zimizni ko'rsatishga harakat qilamiz". (SHveciya terma jamoasi bosh murabbiyi Xanne Anderson Zlatan Ibragimovichning JCH-2018ga bormasligi haqida)

- "Yoshligimda Bastian SHvaynshtaygerning o'yinlarini maza qilib ko'rardim. Birinchidan nemis, ikkinchidan u juda ko'p o'yinlar o'tkazgan. Keyin esa "Barsa"da o'ynagan Xaviga o'xshashga harakat qilganman". ("Bavariya" futbolchisi Joshua Kimmix yoshligida kimning o'yinidan zavq olgani haqida)