Gvardiola: “Bunday g'alabani xohlamagan edim. Meni kechiringlar”

“Yarim finaldaligimiz ajoyib ish bo'ldi. O'ylashimcha, biz bahsni yaxshi boshladik, lekin, vaziyatlardan foydalana olmadik. Keyin esa ikkita golni o'tkazib yubordik. Tanaffus paytida shogirdlarimga gol urish kerakligini tushuntirdim. Raqib darvozaboni juda yaxshi o'ynadi! Bilmadim, uning darvozasi tomon qancha zarba yo'lladik. Kubokda barcha narsa ro'y berishi mumkin. Ofsayd bor edi va men “Suonsi”ga hamdardman. Bunday g'alabani xohlamagan edim. Meni kechiringlar. Stadionda nega VAR yo'qligini tushuna olmayapman? Umid qilamanki, keyingi yil mazkur o'yingohda ushbu texnologiya bo'ladi.” – deydi Gvardiola.

Eslatib o'tamiz, Angliya kubogida videotakrorlar qo'llaniladi. Biroq, VAR faqat APL klublarida bo'lib, qolgan jamoalarning stadionlarida esa ushbu texnologiya o'rnatilmagan.