G'ulomxo'jaev "Turon"dan uchralgan mag'lubiyatdan so'ng nega matbuot anjumaniga kirmadi? Yorqin Nazarov javob berdi

"Avvalo "Turon" jamoasini keyingi bosqichga chiqqani bilan tabriklayman. Bugun teng o'yin bo'ldi, deb o'ylayman. Dastlabki 5-10 daqiqada tayyor emasligimizdan raqib foydalanib gol urdi. Ikki jamoada vaziyatlar ko'p bo'lmadi. Balki havo issiq ekanligi tasir qilgandir",- deydi Yorqin Nazarov.

- Sunnatilla Hamidjonovning qiziqqonligi haqida...
- Buning sabablari bor. Raqib futbolchisi bilan tortishib qolgani uchun shunday bo'ldi. 23-raqamdagi futbolchiga hakam qizil kartochka ham ko'rsatishi kerak edi. Haqiqatdan ham qo'li bilan urib ketdi.

- "Andijon" bu mavsumda gollarini standart vaziyatlardan urmoqda. O'yinda vaziyatlar ham bo'layotgani yo'q. Jamoa qachon o'yindan gol uradi...
- SHuni ustida ishlaymiz. Bilasiz jamoa yosh. Yosh deganimiz bilan gol urmasligimiz degani emas. Himoyani tartibga solib endi hujum qilish ustida ishlashni boshladik. Keyingi uchrashuvlarda o'yindan ham gol uramiz. Nasib qilsa yutuqlar ham bo'ladi.

- Nizomiddin Ziyovutdinovning klubni tark etishi va Edgard Bernxartdning jamoa bilan birga emasligi nimaga bog'liq?
- Edgard betob. Oyog'ini tortib olgan. Har kuni individual shug'ullanmoqda. Nizomidinni AGMKga qaytarib berdik. U ijarada o'ynayotgandi.

- "Andijon" Kubokda 3ta o'yinda 1 ochko oldi. Bunga nima sabab bo'ldi?
- Kubokda "Aral Samali" bilan o'yinda yosh futbolchilarni tekshirib oldik. Zaxiramizni ko'rdik. Kubokda bosh maqsad futbolchilarni ko'zdan kechirib olish edi.

- Bosh murabbiy Otabek G'ulomxo'jaev nima uchun matbuot anjumaniga kelmadi?
- U rahbariyat bilan gaplashib qoldi. Sizlar uni kutib o'tirmaysizlarku. SHu bois bosh murabbiy matbut anjumaniga kela olmadi.