Grinvud Franciya chempionatiga yo'l olishi mumkin, muzokaralar boshlandi

Francuz klubi va “Manchester Yunayted” o'rtasidagi muzokaralar hali boshlang'ich bosqichda, hozirda moliyaviy masalalar muhokama qilinmoqda.

SHu bilan birga, "Marsel" va futbolchi o'rtasidagi muloqot ijobiy ruhda o'tgan.

"Lacio" 22 yoshli vingerga jiddiy qiziqish bildirishda davom etmoqda, avvalroq futbolchi uchun 20 million funt va keyingi sotuvning 50 foizini taklif qilgandi. "Yunayted" futbolchini 30 million funtga baholamoqda. Germaniya, Ispaniya va Portugaliyaning “Xetafe”, “Yuventus”, “Napoli” va boshqa klublari vaziyatni kuzatishda davom etmoqda.

Eslatib o'tamiz, yangi mavsumda “Marsel”ni bungacha Angliyaning “Brayton” klubi murabbiyi bo'lgan Roberto De Zerbi boshqaradi.